第一張證件相

2008年1月26日 (星期六) 氣溫驟降, 得番11-12度又濕又凍, 終於都似冬天喇

朗豬到依家都仲係"無證人仕", 除咗出世紙之外, 乜嘢證件都未攞架。

大鼻今日終於啲起心肝, 準備好一d小工具, 就喺屋企同朗豬影咗第一批証件相。原本諗住要花好多時間, 先可以百中抽一咁挑選到幾張好dd嘅, 點知果日朗豬好合作又好有狀態喎, 只係用咗十幾分鐘, 就可以影到幾張四四正正嘅相喇, 係咪好靚仔呢??!!??!!

希望可以襯住新年有幾日假期, 得閒同朗豬去攞定d証件先, 遲少少我哋一家三個黃, 就可以出去週圍碌下反下luu......