朗朗豬2歲9個月大, 比一般小朋友大件頭, 唔識佢嘅人都會以為佢有3歲幾, 佢依家嘅至愛活動, 第一位依然係睇巴士, 第二位係打波, 包括藍球、羽毛球、足球、所有球類, 第三位喜歡係踩單車仔。呢個聖誕節假期, 我再同朗朗豬去球場玩, 發現佢已經學到少少哄球技巧, 仲會識得轉用左右手, 又拍到幾下忝呀。
朗朗豬打藍球, 去片 >>>
打打下藍球, 佢仲會走去入藍忝, 去片 >>>
歡迎光臨大頭狗狗大鼻兔 ; 請進入四個黃的小天地
2008年12月30日 星期二
2008年12月27日 星期六
聖誕節之朗朗也飲大
2008年12月28日 (星期日) 天陰多雲, 有微雨
又到聖誕!!! 又到聖誕!!! 今年聖誕節, 朗朗豬有三個聖誕party玩呀, 分別係25日, 26日同28日, 三個party都玩得好開心, 又各有特色。
25日嘅party有幾位小朋友一齊玩, 朗朗豬仲學做咗, 第一個ginger bread忝呀, 呢個就係完成品喇!!
26日嘅party有幾位姨姨親自下廚煮海鮮食, 正....好好味道呀, 玩到high high地, 朗朗豬仲學人吹喇叭忝喎, 好在無貓到咋!!
28日係BBQ Party, 有好多朗朗豬至愛嘅腸仔食呀, 食飽飽之後4位小朋友又跑又跳, 好開心呀!!!
又到聖誕!!! 又到聖誕!!! 今年聖誕節, 朗朗豬有三個聖誕party玩呀, 分別係25日, 26日同28日, 三個party都玩得好開心, 又各有特色。
25日嘅party有幾位小朋友一齊玩, 朗朗豬仲學做咗, 第一個ginger bread忝呀, 呢個就係完成品喇!!
26日嘅party有幾位姨姨親自下廚煮海鮮食, 正....好好味道呀, 玩到high high地, 朗朗豬仲學人吹喇叭忝喎, 好在無貓到咋!!
28日係BBQ Party, 有好多朗朗豬至愛嘅腸仔食呀, 食飽飽之後4位小朋友又跑又跳, 好開心呀!!!
2008年12月12日 星期五
當表姑媽遇見豆苗bb
2008年12月11日 (星期四) 天晴乾燥, 藍天白雲
大鼻做咗表姑媽喇, 第一次見小豆苗時, 佢只得2日大, 瞓得好冧呀!! 個樣用表弟一個餅印仔咁, 好得意好標緻啊!!
第二次見小豆苗, 佢12日大喇, 今次見個佢撐大對眼仔四處望, 個樣完全唔同晒啦, 似番個囡囡樣, 仲似足媽咪忝!!
祝願豆苗bb : 身體健康, 快高長大, 精靈活潑, 福至心靈
大鼻做咗表姑媽喇, 第一次見小豆苗時, 佢只得2日大, 瞓得好冧呀!! 個樣用表弟一個餅印仔咁, 好得意好標緻啊!!
第二次見小豆苗, 佢12日大喇, 今次見個佢撐大對眼仔四處望, 個樣完全唔同晒啦, 似番個囡囡樣, 仲似足媽咪忝!!
祝願豆苗bb : 身體健康, 快高長大, 精靈活潑, 福至心靈
2008年11月25日 星期二
鴻 - 三代中國女人的故事, 作者張戎
2008年秋天睇到呢本書嘅頁面咁殘舊，都知道呢一本唔係新書，佢係大鼻空中樓閣嘅珍藏之一，呢本書自1996年7月就跟隨住我，在我記憶中，今次係第三次翻閱呢本書，而上一次翻閱至今次重溫，又已經相差十年了。
呢本書係以近代中國歷史為背景，中國人的命運及共產黨主義為骨幹，一個家庭的真實往事為情節，配上作者既深入又廣闊的洞察力，緊扣心弦的複雜情節，以細緻筆觸，描述豐富多彩的內容，勾劃出層次分明的正反派角色，以家庭往事寫活了中國近代歷史。我以前對中國近代歷史一竅不通，對中國人有著不可言寓的偏見，對中國人的行為和作事方式，或多或少帶著歧視目光，<鴻>這本書讓我打開了心眼，幫助我了解到什麼是共產主義，什麼是大練鋼、大躍進、三反五反、文化大革命、五一運動等等，更幫助我了解到各種事件，對中國人民的影響和衝擊，以至中國文化的變遷與扭曲。中華人民的苦難和辛酸，只能隨著時間的流逝而沖淡。雖說是相隔多年又是第三次閱讀，但我仍然認為這是一本愛不釋手，一開始便不能放下的好書。
現在，手裏執著這一本舊書，令我不其然的想起一位舊人，與及呢本書背後嘅另一個故事。12年前7月份的某一個晚上，我地飯後到荃灣三聯書店閒逛，我喺新到書堆中發現了這本書，於是隨意的揭開來看，怎料一看就是半個小時，書中情節與作者流暢的文筆，實在吸引著我，令我不願把書放下，於是翻到頁底看看，售價是$99.00，其實也不是什麼昂貴的價錢，但我當時想來想去，也不捨得即時買下，當時我還告訴自己，等到聖誕節或新年時才買給自己，作為這一年給自己的獎勵禮物好了，離開書店以後，還跟同行的人說，很喜歡這一本書，語帶興奮的告訴他，等到年尾出雙糧必定黎買。怎料三幾天之後，我便收一份早到的生日禮物，打開禮物一看，原來就係呢一本書，真係一份好驚喜、好難忘嘅生日禮物啊!!!
事隔十二年，我已經搬家五次，這本書仍然跟隨著我，經歷了人生中十年的百感交集。我不願放棄記憶，也不願埋葬過去，事實上過去亦不能從生命裡割捨，今天的我，都是過去重重疊疊的經歷所造成，今天的智慧，亦是過去縱橫交錯的領悟所堆積得來，我曾在另一編文章中看過，沙漠阿拉伯人形容他們一生必喝的三道茶，第一道苦若生命，第二道甜似愛情，第三道淡如微風。生命的神袐與極美，在於不知道將來，因為不知，才益發神奇而顯得美麗。我們生而複雜，一生中不斷追求，總覺得幸福是遙不可及，却不知道那三道茶，正在等著我們慢慢體會、細細品嚐。
忙碌的11月
2008年11月25日 (星期二) 晴朗, 天氣乾燥
踏入11月份，各區幼稚園都舉辦開放日，與及開始招收09年度入學的幼稚園生，於是我、大頭同朗朗豬都去咗幾間幼稚園參觀，與及同朗朗豬報名及面試。由於我地同朗朗豬，之前並無參加過任何學校嘅面試，所以第一次嘅幼稚園面試，喺完全無準備之下失敗咗。
正所謂失敗仍成功之母，嘗試咗失敗嘅經驗之後，我地再去其他幼稚園面試之前, 我會事先同朗朗豬有小小briefing，希望佢會有ｄｄ心理準備，而發揮到佢應有嘅水準，好在…朗朗豬往後嘅面試，都表現得好好又有問有答，終於我地收到心儀學校嘅通知信，朗朗豬已被取錄為09年上午校A班幼稚園生，整個申請入學過程都算順利，大鼻媽可以放下心頭大石…唔洗再煩喇…Yeah!!!
11月份亦係婆婆(大鼻阿媽)生日嘅日子，當日我地一班子子孫孫，中午同婆婆飲茶，然後熱熱鬧鬧去到婆婆屋企，麻鵲耍樂及切生日蛋糕，晚上就拉大隊到荃灣客家好棧食晚飯，共渡了一個快樂的星期天。弟婦Jenny個肚依家有7個月啦，佢嘅預產期係09年1月尾，大家都好開心好期待一位新成員嘅加入，以後我地嘅家庭聚會，將會更加熱鬧、更加嘈吵，唔知佢最終係老鼠囡囡? 定係牛牛囡囡呢?? 大鼻即將升級為姑媽，朗朗豬即將升級為表哥，諗起都覺得好心急好興奮啊~~~
踏入11月份，各區幼稚園都舉辦開放日，與及開始招收09年度入學的幼稚園生，於是我、大頭同朗朗豬都去咗幾間幼稚園參觀，與及同朗朗豬報名及面試。由於我地同朗朗豬，之前並無參加過任何學校嘅面試，所以第一次嘅幼稚園面試，喺完全無準備之下失敗咗。
正所謂失敗仍成功之母，嘗試咗失敗嘅經驗之後，我地再去其他幼稚園面試之前, 我會事先同朗朗豬有小小briefing，希望佢會有ｄｄ心理準備，而發揮到佢應有嘅水準，好在…朗朗豬往後嘅面試，都表現得好好又有問有答，終於我地收到心儀學校嘅通知信，朗朗豬已被取錄為09年上午校A班幼稚園生，整個申請入學過程都算順利，大鼻媽可以放下心頭大石…唔洗再煩喇…Yeah!!!
11月份亦係婆婆(大鼻阿媽)生日嘅日子，當日我地一班子子孫孫，中午同婆婆飲茶，然後熱熱鬧鬧去到婆婆屋企，麻鵲耍樂及切生日蛋糕，晚上就拉大隊到荃灣客家好棧食晚飯，共渡了一個快樂的星期天。弟婦Jenny個肚依家有7個月啦，佢嘅預產期係09年1月尾，大家都好開心好期待一位新成員嘅加入，以後我地嘅家庭聚會，將會更加熱鬧、更加嘈吵，唔知佢最終係老鼠囡囡? 定係牛牛囡囡呢?? 大鼻即將升級為姑媽，朗朗豬即將升級為表哥，諗起都覺得好心急好興奮啊~~~
2008年11月3日 星期一
親親大自然
2008年11月2日 (星期一) 天陰多雲, 間中有驟雨
今日相約幾個bb會嘅朋友仔, 一齊去大埔一日遊, 第一個行程係去大埔海濱公園, 公園入面有好多大草地, 可以比小朋友跑下, 朗朗豬一見有草地, 就好興奮係咁跑來跑去又玩波波, 另一邊草地仲有好多人放風箏, 朗朗豬見到覺得好新奇, 不斷咁問果d係咪雀仔飛飛 ??
玩咗一陣開始有少少雨粉, 放是我地轉地頭去室內, 行下公園入面嘅昆蟲館, 館入面有好多大大小小嘅昆蟲標本, 小朋友一面驚一面睇, 行完昆蟲館出黎已經停雨喇, 於是我地起程去下一個行程, 小白鷺餐廳BBQ。
我地今次係第一次去小白鷺餐廳, 原來呢度好靚好舒服呀, 對住一個平靜如鏡嘅小湖, 環境既優美又寧靜, 地方乾淨又寬敞, BBQ嘅食物又好味, 今次真係抵晒!!
食飽飽又係小朋友嘅活動時間喇, 去到親親小羊區, 見到大大小小十幾隻羊仔喺鐵欄入面, 仲有2-3隻羊BB走咗出黎忝, 朗朗豬第一次近距離接觸羊仔, 好開心又好雀躍, 首先要餵下、跟住要摸下、之後仲話要鍚下忝bor。
餵羊咩咩食草, 去片 >>>
之後, 順道去參觀michelle姨姨嘅新居, 點知坐坐下又食埋晚飯忝, 真係多謝michelle姨姨盛情款待, 又細意安排咁豐富嘅行程節目, 成班小朋友都玩得好開心&好投入, 有機會的話一定要去大埔海濱公園再玩過, 今日玩足一日, 大人細路都倦到散晒luuu
今日相約幾個bb會嘅朋友仔, 一齊去大埔一日遊, 第一個行程係去大埔海濱公園, 公園入面有好多大草地, 可以比小朋友跑下, 朗朗豬一見有草地, 就好興奮係咁跑來跑去又玩波波, 另一邊草地仲有好多人放風箏, 朗朗豬見到覺得好新奇, 不斷咁問果d係咪雀仔飛飛 ??
玩咗一陣開始有少少雨粉, 放是我地轉地頭去室內, 行下公園入面嘅昆蟲館, 館入面有好多大大小小嘅昆蟲標本, 小朋友一面驚一面睇, 行完昆蟲館出黎已經停雨喇, 於是我地起程去下一個行程, 小白鷺餐廳BBQ。
我地今次係第一次去小白鷺餐廳, 原來呢度好靚好舒服呀, 對住一個平靜如鏡嘅小湖, 環境既優美又寧靜, 地方乾淨又寬敞, BBQ嘅食物又好味, 今次真係抵晒!!
食飽飽又係小朋友嘅活動時間喇, 去到親親小羊區, 見到大大小小十幾隻羊仔喺鐵欄入面, 仲有2-3隻羊BB走咗出黎忝, 朗朗豬第一次近距離接觸羊仔, 好開心又好雀躍, 首先要餵下、跟住要摸下、之後仲話要鍚下忝bor。
餵羊咩咩食草, 去片 >>>
之後, 順道去參觀michelle姨姨嘅新居, 點知坐坐下又食埋晚飯忝, 真係多謝michelle姨姨盛情款待, 又細意安排咁豐富嘅行程節目, 成班小朋友都玩得好開心&好投入, 有機會的話一定要去大埔海濱公園再玩過, 今日玩足一日, 大人細路都倦到散晒luuu
2008年10月12日 星期日
黃小二生涯 - 煮權交接
2008年10月12日 (星期日) 天晴多雲
9/Oct - 黃小二生涯第15日, 今日約咗奶奶及2位aunties到葵芳飲茶, 朗豬氹得三位老人家好開心, 表情多多又口水多多, 令佢再次成為主角。飲完茶已經2pm, 於是就返屋企瞓晏覺, 襯朗豬瞓咗, 我仲特意準備一d拿手小菜, 等大頭返黎驚喜下。
10/Oct - 黃小二生涯第16日, 本來今日打算同朗豬去海洋公園, 但因為大頭有新工作, 所以要延期去, 對於朗豬黎講, 又無乜野話失望喎, 因為佢都唔知海洋公園係乜東東, 佢依家最最最愛嘅活動, 係到屋企樓下嘅巴士站睇巴士, 每次起碼要睇半粒鐘先肯走, 依家d司機叔叔都同佢熟晒, 知道佢係小小巴士迷。
11/Oct - 黃小二生涯第17日, 姐姐今日回歸啦, 不過都要晚上9pm先到港, 所以今日實質上, 同平時一樣, 但我嘅心情明顯係有分別, 一方面輕鬆而興奮, 因為終點在望又一切順利, 好快就完成創舉喇。另一方面好緊張, 姐姐會唔會如期返黎呢? 會唔會突然放飛機失蹤呢?? 特別係10pm後, 我嘅心情真係好複雜好忐忑不安。
而朗豬今日又好似有d第六感咁, 午睡時間比平時雙倍加長, 以至晚上嘅瞓覺時間都延遲, 直到10:40pm先肯入房飲奶瞓覺, 我同佢入咗房5-10分鐘, 就聽到電話聲嚮喇, 唔夠10秒, 大頭就入bb房宣佈 : 姐姐已經到咗屋企樓下, 依家返黎喇!!
朗豬一聽到呢個消息, 先停一停然後推開支奶, 跟手即刻出廳去開大門, 然後坐定定喺梳化, 一路望住門口一路話 : 姐姐未黎...姐姐咁耐...姐姐咁耐未黎, 姐姐未黎...姐姐咁耐...姐姐咁耐未黎..........。
其實, 我同朗豬嘅心情一樣咁興奮咁緊張架, 終於, 姐姐出現喇, 朗豬見到姐姐, 只係遠遠地笑住同姐姐對望, 並無飛樸過去, 又唔肯叫姐姐, 更無乜親暱表現。
反而姐姐就熱情得多, 一放低行李, 就即刻攬實朗豬, 一路錫一路話朗豬大個咗又大隻咗, 二個星期已經高好多, 我仲昅到姐姐有小小眼濕濕忝呀。
17日嘅黃小二生涯, 終於順利結束, 我今晚可以舒舒服服瞓餐飽喇, 好嘢! 萬歲! 感謝神! 阿彌陀佛! 亞呢路也! 謝天謝地! 周公我來了!!!!!
9/Oct - 黃小二生涯第15日, 今日約咗奶奶及2位aunties到葵芳飲茶, 朗豬氹得三位老人家好開心, 表情多多又口水多多, 令佢再次成為主角。飲完茶已經2pm, 於是就返屋企瞓晏覺, 襯朗豬瞓咗, 我仲特意準備一d拿手小菜, 等大頭返黎驚喜下。
10/Oct - 黃小二生涯第16日, 本來今日打算同朗豬去海洋公園, 但因為大頭有新工作, 所以要延期去, 對於朗豬黎講, 又無乜野話失望喎, 因為佢都唔知海洋公園係乜東東, 佢依家最最最愛嘅活動, 係到屋企樓下嘅巴士站睇巴士, 每次起碼要睇半粒鐘先肯走, 依家d司機叔叔都同佢熟晒, 知道佢係小小巴士迷。
11/Oct - 黃小二生涯第17日, 姐姐今日回歸啦, 不過都要晚上9pm先到港, 所以今日實質上, 同平時一樣, 但我嘅心情明顯係有分別, 一方面輕鬆而興奮, 因為終點在望又一切順利, 好快就完成創舉喇。另一方面好緊張, 姐姐會唔會如期返黎呢? 會唔會突然放飛機失蹤呢?? 特別係10pm後, 我嘅心情真係好複雜好忐忑不安。
而朗豬今日又好似有d第六感咁, 午睡時間比平時雙倍加長, 以至晚上嘅瞓覺時間都延遲, 直到10:40pm先肯入房飲奶瞓覺, 我同佢入咗房5-10分鐘, 就聽到電話聲嚮喇, 唔夠10秒, 大頭就入bb房宣佈 : 姐姐已經到咗屋企樓下, 依家返黎喇!!
朗豬一聽到呢個消息, 先停一停然後推開支奶, 跟手即刻出廳去開大門, 然後坐定定喺梳化, 一路望住門口一路話 : 姐姐未黎...姐姐咁耐...姐姐咁耐未黎, 姐姐未黎...姐姐咁耐...姐姐咁耐未黎..........。
其實, 我同朗豬嘅心情一樣咁興奮咁緊張架, 終於, 姐姐出現喇, 朗豬見到姐姐, 只係遠遠地笑住同姐姐對望, 並無飛樸過去, 又唔肯叫姐姐, 更無乜親暱表現。
反而姐姐就熱情得多, 一放低行李, 就即刻攬實朗豬, 一路錫一路話朗豬大個咗又大隻咗, 二個星期已經高好多, 我仲昅到姐姐有小小眼濕濕忝呀。
17日嘅黃小二生涯, 終於順利結束, 我今晚可以舒舒服服瞓餐飽喇, 好嘢! 萬歲! 感謝神! 阿彌陀佛! 亞呢路也! 謝天謝地! 周公我來了!!!!!
2008年10月8日 星期三
黃小二生涯 - 順利倒數中
2008年10月8日 (星期三) 間中有陽光, 間中有微雨
4-6/Oct - 黃小二生涯第10-12日, 日常生活已經好規律化, 我亦可以輕鬆處理好日常家務, 我開始運用一d密碼, 令朗豬可以欣然地讓我完成家務, 依家已經唔再需要打手板, 都可以令佢聽聽話話喇...heeheee
7/Oct - 黃小二生涯第13日, 今日同奶奶一家去拜山, 早上約埋一齊去飲茶, 繼而拜山, 隨後到老三嘅新居玩下, 朗豬今日都好乖, 大家都讚佢大個仔, 識講好多野喇。
8/Oct - 黃小二生涯第14日, 今日約咗班同事食lunch, 兼帶埋朗豬去威下, 同事們見到朗豬都讚不絕口, 話佢識講好多野好叻仔, 做阿媽嘅聽到呢d讚美說話, 當然開心死啦~~~另外, 仲有一樣值得開心嘅, 係晚上我開始有覺瞓喇, 佢今晚只係吚吚哦哦咗兩三次, 就轉身自己再瞓番, 原來佢之前瞓得咁差, 係未習慣同我瞓呀, 終於都開始習慣喇.....ZzzZzzZzzzzz
4-6/Oct - 黃小二生涯第10-12日, 日常生活已經好規律化, 我亦可以輕鬆處理好日常家務, 我開始運用一d密碼, 令朗豬可以欣然地讓我完成家務, 依家已經唔再需要打手板, 都可以令佢聽聽話話喇...heeheee
7/Oct - 黃小二生涯第13日, 今日同奶奶一家去拜山, 早上約埋一齊去飲茶, 繼而拜山, 隨後到老三嘅新居玩下, 朗豬今日都好乖, 大家都讚佢大個仔, 識講好多野喇。
8/Oct - 黃小二生涯第14日, 今日約咗班同事食lunch, 兼帶埋朗豬去威下, 同事們見到朗豬都讚不絕口, 話佢識講好多野好叻仔, 做阿媽嘅聽到呢d讚美說話, 當然開心死啦~~~另外, 仲有一樣值得開心嘅, 係晚上我開始有覺瞓喇, 佢今晚只係吚吚哦哦咗兩三次, 就轉身自己再瞓番, 原來佢之前瞓得咁差, 係未習慣同我瞓呀, 終於都開始習慣喇.....ZzzZzzZzzzzz
2008年10月4日 星期六
黃小二生涯 - 中段嘮蘇編
2008年10月3日 (星期五) 天陰多雲, 間中有驟雨
踏入10月份, 天氣漸漸踏入秋季, 微涼的秋意, 總讓人有稍稍停下腳步來的味兒。
適逢今年嘅秋天, 係姐姐第一次放假回鄉的時間, 我一個人要打理一頭家, 買餸、煮飯、做家務、仲要湊仔.....仲要係整整17日忝bor, 我只得一雙手咋, 點做得到呀??? oh, it's impossible!!! >_<
事到如今, 唯有盡量正面d試下啦, 就當比自己一個考驗, 又可以嘗試下, 以另一個身份/角度去過生活, 用咁嘅諗法...心情即刻好小小~~
25/Sept - 今朝一早7am姐姐就出發, 黃小二正式接棒, 今日同平時姐姐星期日放假咁差不多, 最大分別/考驗係晚上, 要同朗豬一齊瞓, 好在....朗豬都肯同我瞓無扭計, 只不過成晚轉來轉去, 又瞓醒好多好多次, 攪到我無乜點瞓就要起身喇。
26-29/Sept - 黃小二生涯第2-5日, 一家三口一齊去三亞旅行, 竟然係意想不到咁開心和順利, 真係開心呀!!!
30/Sept - 1/Oct 黃小二生涯第6-7日, 呢2日大頭都放假, 我地一日喺屋企執下野, 一日同朗豬去下街, 我開始覺得自己嘅EQ唔掂喇, 我原本對自己嘅耐性, 係最有信心嘅一環, 點知....原來最先出事係呢飯喎, 我開始覺得自己好忟憎, 感覺好似好失控好無乎, 時時比朗豬攪到我進退失據, 下下要郁手打手扳先stop到佢, 點算好呢??!! 要諗下計仔先得。
2/Oct - 黃小二生涯第8日, 今日係真真正正一個人面對呢頭家/朗豬, 原來, 一個人湊仔比兩公婆湊仔較易於掌握架, 首先, 我調教一下自己嘅節奏, 刪除返工時嘅效率觀念, 再放輕鬆一下心情&步伐, 果然唔同ddd, 我無咁忟憎時、朗豬又合作咗, 我開始摸索到家庭主婦嘅心得, 有番小小成功感呀!!!
3/Oct - 黃小二生涯第9日, 今日同朗豬返健康院進行2歲半檢查, 結果一切正常, 今次全部合格, yeah....到4歲先再返健康院lu。黃小二生涯剛剛去到一半, 我覺得開始漸入佳景喇, 不過, 真係好疲倦呀, 晚晚無覺好瞓, 又完全無晒私人時間/私人空間, 連去廁所辦事/沖涼/梳洗, 都要以開放式草草完事, 好倦呀...help!!!!
體重 : 16kg(35lb)
腳板 : 16cm
踏入10月份, 天氣漸漸踏入秋季, 微涼的秋意, 總讓人有稍稍停下腳步來的味兒。
適逢今年嘅秋天, 係姐姐第一次放假回鄉的時間, 我一個人要打理一頭家, 買餸、煮飯、做家務、仲要湊仔.....仲要係整整17日忝bor, 我只得一雙手咋, 點做得到呀??? oh, it's impossible!!! >_<
事到如今, 唯有盡量正面d試下啦, 就當比自己一個考驗, 又可以嘗試下, 以另一個身份/角度去過生活, 用咁嘅諗法...心情即刻好小小~~
25/Sept - 今朝一早7am姐姐就出發, 黃小二正式接棒, 今日同平時姐姐星期日放假咁差不多, 最大分別/考驗係晚上, 要同朗豬一齊瞓, 好在....朗豬都肯同我瞓無扭計, 只不過成晚轉來轉去, 又瞓醒好多好多次, 攪到我無乜點瞓就要起身喇。
26-29/Sept - 黃小二生涯第2-5日, 一家三口一齊去三亞旅行, 竟然係意想不到咁開心和順利, 真係開心呀!!!
30/Sept - 1/Oct 黃小二生涯第6-7日, 呢2日大頭都放假, 我地一日喺屋企執下野, 一日同朗豬去下街, 我開始覺得自己嘅EQ唔掂喇, 我原本對自己嘅耐性, 係最有信心嘅一環, 點知....原來最先出事係呢飯喎, 我開始覺得自己好忟憎, 感覺好似好失控好無乎, 時時比朗豬攪到我進退失據, 下下要郁手打手扳先stop到佢, 點算好呢??!! 要諗下計仔先得。
2/Oct - 黃小二生涯第8日, 今日係真真正正一個人面對呢頭家/朗豬, 原來, 一個人湊仔比兩公婆湊仔較易於掌握架, 首先, 我調教一下自己嘅節奏, 刪除返工時嘅效率觀念, 再放輕鬆一下心情&步伐, 果然唔同ddd, 我無咁忟憎時、朗豬又合作咗, 我開始摸索到家庭主婦嘅心得, 有番小小成功感呀!!!
3/Oct - 黃小二生涯第9日, 今日同朗豬返健康院進行2歲半檢查, 結果一切正常, 今次全部合格, yeah....到4歲先再返健康院lu。黃小二生涯剛剛去到一半, 我覺得開始漸入佳景喇, 不過, 真係好疲倦呀, 晚晚無覺好瞓, 又完全無晒私人時間/私人空間, 連去廁所辦事/沖涼/梳洗, 都要以開放式草草完事, 好倦呀...help!!!!
體重 : 16kg(35lb)
腳板 : 16cm
2008年9月29日 星期一
三亞之旅-第四日
2008年9月29日 (星期一) 天陰多雲
今日係三亞之旅嘅最後一日喇, 一早起身我就同朗豬講, 今日要搭飛機走, 食完早餐要執野, 但朗豬就不停咁話, 食完早餐要換泳衣游水水、去沙灘玩沙沙、去波波池玩.....。
朗豬由初到埗一日, 要奪門而出, 到依家唔願走, 仲時時話酒店房間先係佢屋企, 我諗主要原因係 :
1) 有一個大露台, 可以比佢出去活動下
2) 有一個極大浴缸同媽咪一齊沖涼, 仲可以一路沖一路玩沙灘波忝
3) 有呢一張精心設計嘅三一合體床, 平時朗豬可以喺上面點跳都得, 到夜晚瞓覺得既安全又舒適
無論點唔捨得, 我地都要走lu, 餵完魚魚我地返房間執捨行理, 然後搭車到機場。
回程飛機上, 朗豬一路都無瞓覺, 飛機起飛同降落時, 佢都好自然無乜問題, 睇下佢個樣幾醒目仔!!
總結四日嘅三亞之旅, 只係頭一晚有少少阻滯, 其他時候都好順利, 呢個旅行更加係我同大頭意料之外咁開心咁好玩忝, 雖然我地無去過什麼名勝&景點, 只係食、玩、瞓、接近下大自然、陽光、海浪, 但對於我黎講, 呢個旅程肯定是難忘的。
今日係三亞之旅嘅最後一日喇, 一早起身我就同朗豬講, 今日要搭飛機走, 食完早餐要執野, 但朗豬就不停咁話, 食完早餐要換泳衣游水水、去沙灘玩沙沙、去波波池玩.....。
朗豬由初到埗一日, 要奪門而出, 到依家唔願走, 仲時時話酒店房間先係佢屋企, 我諗主要原因係 :
1) 有一個大露台, 可以比佢出去活動下
2) 有一個極大浴缸同媽咪一齊沖涼, 仲可以一路沖一路玩沙灘波忝
3) 有呢一張精心設計嘅三一合體床, 平時朗豬可以喺上面點跳都得, 到夜晚瞓覺得既安全又舒適
無論點唔捨得, 我地都要走lu, 餵完魚魚我地返房間執捨行理, 然後搭車到機場。
回程飛機上, 朗豬一路都無瞓覺, 飛機起飛同降落時, 佢都好自然無乜問題, 睇下佢個樣幾醒目仔!!
總結四日嘅三亞之旅, 只係頭一晚有少少阻滯, 其他時候都好順利, 呢個旅行更加係我同大頭意料之外咁開心咁好玩忝, 雖然我地無去過什麼名勝&景點, 只係食、玩、瞓、接近下大自然、陽光、海浪, 但對於我黎講, 呢個旅程肯定是難忘的。
三亞之旅-第三日
2008年9月28日 (星期日) 早上陽光普照, 午後突然滂沱大雨, 晚上清爽
一早醒來就聽到雀仔叫聲, 又見到陽光普照, 我地又高高興興咁去食早餐同餵魚魚, 之後就即刻返房間換上泳衣, 帶齊裝備同沙灘玩具, 向酒店私人沙灘出發...yeah!!
所謂嘅酒店私人沙灘, 其實係亞龍灣沙灘嘅其中一部份, 不過設有太陽傘同沙灘椅, 免費提供比酒店住客用, 我地一踏入個沙灘, 就feel到d沙好幼細又好軟棉棉, 而且周圍環境都好乾淨, 更加無人抛垃圾同放飛劍, 真係一流水準嘅靚沙灘呀!!! 朗豬好快就投入佢嘅堆沙遊戲, 之後大頭仲同佢玩沙灘波。
可惜當日好大浪, 我同朗豬都唔敢落水, 但大頭就好過隱咁, 出去玩咗幾轉跳浪。雖然陽光唔係好猛烈, 但我地玩咗個零鐘頭, 朗豬已經曬到成舊ginger bread咁喇。
於是我地執捨細遠回程返酒店, 返到酒店再去泳池游一陣, 先返房間沖涼換衫然後去醫肚, 食飽飽又係時候要眠一眠, 瞓醒又去食晚餐, 餐後喺酒店周圍散下步, 行下行下又搵到一個細細嘅兒童遊戲室, 裡面有一個兒童恩物-波波池。
於是朗豬又高高興興咁玩咗半個鐘, 之後我地就返房間又沖涼瞓覺lu, 第三日興奮而滿足地完結。
三亞之旅-第二日
2008年9月27日 (星期六) 早上風和日麗, 午後下雨, 晚上清爽
大慨半夜二點, 正當我同大頭瞓到好夢正甜嘅時候, 我突然聽到朗豬飲泣嘅聲音, 初時我仲以為自己發夢, 後來又覺得d聲音好真下, 於是就起身望下, 原來朗豬真係醒咗呀, 佢撐起咗半邊身周圍望, 一路望又一路烏烏聲咁喊, 好淒涼~~
於是我即刻安慰佢, 跟住整支奶比佢等佢鎮定下, 支奶果然有dd安撫作用, 可惜唔能夠令佢即時入睡, 但飲咗之後已經無喊, 仲夠膽落地走動下忝。朗豬一落地要去嘅地方, 原來係搵門口/出口呀, 佢一搵到度門就打開, 跟住仲同我講“要返屋企”, 我實在估唔到佢有呢一著, 當時我手忙腳亂之下仲整嚮咗防盜鐘忝, 死火....即刻捉住朗豬, 閂番好防盜&大門, 再帶返朗豬入房嘅時候, 發現大頭依然同一個睡姿, 郁都無郁過.....oh, my god!!!!
呢個時候, 朗豬已經全無睡意, 佢開始認真地喺房間入面四圍搜索&周圍睇真d, 嘵嚷咗大慨兩粒鐘, 卒之要做晒晚上要做嘅事情, 飲奶, 疴臭臭, 沖涼, 到大慨四點先再安然入睡。
究竟呢兩粒鐘入面, 大頭有無醒過呢, 答案係有嘅, 當我同朗豬剛剛沖完涼嘅時候, 佢就醒咗去廁所, 仲同我對答咗幾句, 之後佢莫視我嘅求救訊號, 再拍拍枕頭又再瞓過, 豈有此理丫.....我當時真係想一野扑濕佢呀!!!!xyz^#z!*^%$#^&
====================================
一覺瞓醒8am, 又係新嘅一日喇! 走去打開個露台窗望下, 哇....原來我地嘅房間對住兩個池, 籃色係游泳池, 綠色係魚池.....好舒服好靚呀!
周圍仲有好多椰樹&草地, 酒店大堂係泰國式嘅尖頂設計, 絕大部份酒店範圍雖然無冷氣, 但一d都唔會焗熱, 反而四周充滿住陽光氣息, 不時吹送著徐徐清風, 好relax啊~~~
我地即刻換衫去酒店食豐富嘅自助早餐, 大頭選擇咗一張室外池邊坐位, 我地食飽飽之後, 大頭就同朗豬去魚池度餵魚仔, 此行一連三日嘅早餐之後, 餵魚仔都成為我地嘅第一個節目, 你地睇下朗豬餵得幾開心。
大慨半夜二點, 正當我同大頭瞓到好夢正甜嘅時候, 我突然聽到朗豬飲泣嘅聲音, 初時我仲以為自己發夢, 後來又覺得d聲音好真下, 於是就起身望下, 原來朗豬真係醒咗呀, 佢撐起咗半邊身周圍望, 一路望又一路烏烏聲咁喊, 好淒涼~~
於是我即刻安慰佢, 跟住整支奶比佢等佢鎮定下, 支奶果然有dd安撫作用, 可惜唔能夠令佢即時入睡, 但飲咗之後已經無喊, 仲夠膽落地走動下忝。朗豬一落地要去嘅地方, 原來係搵門口/出口呀, 佢一搵到度門就打開, 跟住仲同我講“要返屋企”, 我實在估唔到佢有呢一著, 當時我手忙腳亂之下仲整嚮咗防盜鐘忝, 死火....即刻捉住朗豬, 閂番好防盜&大門, 再帶返朗豬入房嘅時候, 發現大頭依然同一個睡姿, 郁都無郁過.....oh, my god!!!!
呢個時候, 朗豬已經全無睡意, 佢開始認真地喺房間入面四圍搜索&周圍睇真d, 嘵嚷咗大慨兩粒鐘, 卒之要做晒晚上要做嘅事情, 飲奶, 疴臭臭, 沖涼, 到大慨四點先再安然入睡。
究竟呢兩粒鐘入面, 大頭有無醒過呢, 答案係有嘅, 當我同朗豬剛剛沖完涼嘅時候, 佢就醒咗去廁所, 仲同我對答咗幾句, 之後佢莫視我嘅求救訊號, 再拍拍枕頭又再瞓過, 豈有此理丫.....我當時真係想一野扑濕佢呀!!!!xyz^#z!*^%$#^&
====================================
一覺瞓醒8am, 又係新嘅一日喇! 走去打開個露台窗望下, 哇....原來我地嘅房間對住兩個池, 籃色係游泳池, 綠色係魚池.....好舒服好靚呀!
周圍仲有好多椰樹&草地, 酒店大堂係泰國式嘅尖頂設計, 絕大部份酒店範圍雖然無冷氣, 但一d都唔會焗熱, 反而四周充滿住陽光氣息, 不時吹送著徐徐清風, 好relax啊~~~
我地即刻換衫去酒店食豐富嘅自助早餐, 大頭選擇咗一張室外池邊坐位, 我地食飽飽之後, 大頭就同朗豬去魚池度餵魚仔, 此行一連三日嘅早餐之後, 餵魚仔都成為我地嘅第一個節目, 你地睇下朗豬餵得幾開心。
今日好好太陽呀, 餵完魚仔之後, 我地即刻返房間換泳衣, 去酒店嘅泳池游水, 游完水又食飽飽之後, 就返房瞓晏覺喇, 朗豬瞓醒晏覺嘅時候, 無端端落咗一陣雨, 到陣雨停咗朗豬就醒喇, 我地見未係好夜, 於是就去酒店嘅私人沙灘度行下, 去到時已經無乜人喇, 原來酒店嘅私人沙灘係收6:30pm架, 我地行咗一陣就回程返酒店食晚餐, 第二日圓滿而開心地結束。
三亞之旅-第一日
2008年9月26日 (星期五) 天陰多雲
今日係三個黃沖出香港去旅行嘅日子, 我地三個都係第一次去海南島架, 真係既擔心又興奮亦緊張呀!
我地晨早6:45am就出發去機場, 雖然朗朗豬比我夾硬攪醒, 但佢都好合作又無扭計, 我地照原定計劃依時抵達機場, 上到飛機時, 朗朗豬亦一路無乜異常, 一去到坐位就好乖扣好安全帶坐定定, 佢個樣仲好醒目又好精神忝。
架飛機由停機坪碌咗十幾分鐘先去到跑道, 就喺飛機差不多起飛之際, 朗豬佢居然......頂唔住......瞓著咗呀, 直至飛到半空隱定狀態, 朗豬先比食物嘅聲音嘈醒, 佢起身之後, 就集中精神食餅餅飲橙汁, 接近著陸時, 朗豬都好雀躍咁睇住窗外綠油油嘅景色。
終於安全著陸喇, 朗豬全程no problem, 我同大頭都即刻鬆一口氣, 真係意想不到咁順利呀。
過咗海關之後就去食午餐, 餐後有幾個行程要去, 包括 : 珍珠工場、水晶工場、土產手信店、貝殼館、蝴蝶谷, 其中朗豬最有興趣嘅就係蝴蝶館入面嘅昆蟲標本勒, 其實五個行程點都無乜特別, 不過點都要影番張到此一遊相啦。
完成晒今個團嘅五個行程之後, 就係晚餐時間, 餐後回程返酒店嘅時候已經係8:30pm喇, 朗豬佢終於响車上瞓著咗, 我抱住佢到達酒店房間, 一放底佢落床, 望下個錶都已經9pm喇, 唔洗5分鐘佢仲打埋鼻寒忝, 今日大家都好倦, 我地都早早上床休息lu。
原本我以為第一日, 已經完滿又順利咁過晒關, 點知半夜有下文.....第二日待續。
今日係三個黃沖出香港去旅行嘅日子, 我地三個都係第一次去海南島架, 真係既擔心又興奮亦緊張呀!
我地晨早6:45am就出發去機場, 雖然朗朗豬比我夾硬攪醒, 但佢都好合作又無扭計, 我地照原定計劃依時抵達機場, 上到飛機時, 朗朗豬亦一路無乜異常, 一去到坐位就好乖扣好安全帶坐定定, 佢個樣仲好醒目又好精神忝。
架飛機由停機坪碌咗十幾分鐘先去到跑道, 就喺飛機差不多起飛之際, 朗豬佢居然......頂唔住......瞓著咗呀, 直至飛到半空隱定狀態, 朗豬先比食物嘅聲音嘈醒, 佢起身之後, 就集中精神食餅餅飲橙汁, 接近著陸時, 朗豬都好雀躍咁睇住窗外綠油油嘅景色。
終於安全著陸喇, 朗豬全程no problem, 我同大頭都即刻鬆一口氣, 真係意想不到咁順利呀。
過咗海關之後就去食午餐, 餐後有幾個行程要去, 包括 : 珍珠工場、水晶工場、土產手信店、貝殼館、蝴蝶谷, 其中朗豬最有興趣嘅就係蝴蝶館入面嘅昆蟲標本勒, 其實五個行程點都無乜特別, 不過點都要影番張到此一遊相啦。
完成晒今個團嘅五個行程之後, 就係晚餐時間, 餐後回程返酒店嘅時候已經係8:30pm喇, 朗豬佢終於响車上瞓著咗, 我抱住佢到達酒店房間, 一放底佢落床, 望下個錶都已經9pm喇, 唔洗5分鐘佢仲打埋鼻寒忝, 今日大家都好倦, 我地都早早上床休息lu。
原本我以為第一日, 已經完滿又順利咁過晒關, 點知半夜有下文.....第二日待續。
2008年9月13日 星期六
2008年9月1日 星期一
巴別塔之犬 - 卡罗琳．帕克絲特
2008年夏天
呢本簡體版書, 係响深圳書城買嘅，盛惠人民幣22元，超抵！！
這本書首先吸引我嘅，係述說"巴別塔之犬"命名的由來, 以《聖經－創世紀》內一節故事, 作為引子 : -
那時，天下人的口音言語，都是一樣。他們往東邊遷移的時候，在示拿地遇見一片平原，就住在那里。他們彼此商量說：“來吧, 我們要做磚, 把磚燒透了。”他們就拿磚當石頭，又拿石漆當灰泥。他們說：“來吧，我們要建造一座城和一座塔，塔頂通天，為了傳揚我們的名，免得我們分散在全地上。”耶和華降臨，要看看世人所建造的城和塔。耶和華說：“看哪, 他們成為一樣的人民，都是一樣的言語，如今既做起這事來，以後他們所要做的事就沒有不成就的了。我們下去，在那裡變亂他們的口音，使他們的言語彼此不通。”於是, 耶和華使他們從那裡分散在全地上, 他們就停工不造那城了。因為耶和華在那裡變亂天下人的言語，使眾人分散在全地上，所以那城名叫巴別(就是"變亂"的意思)。
故事開始，是一個女人從蘋果樹上墜地身亡，死因不明。唯一的目擊者，是她心愛的狗。女人的丈夫是一個語言家，既哀傷又困惑的他，決定以自己畢生的研究，教這只狗開口說話，祈望它能說出事情的真相.....。
如此引人入勝的開始，接下來是一連串椎心的回憶，意想不到的精彩轉折，奇幻如迷一樣的探尋。如泣如訴的故事，營造出神秘奇特的氛圍，伴著動人心魄的魔力，牽引著我的心，令我無從抗拒地，隨著主角一步一步地走向事情的真相，一步一步地反思愛的界線，一步一步地憶測情感的力量。
心中不禁反問：人人都以為自己和最親近的人，共同擁有一座巴別塔，以為自己最了解那個親近的人。然而，這座巴別塔真的存在嗎？
再玩ELMO
2008年8月31日 (星期日) 陽光熾熱
朗豬依家好多口, 我地講乜, 佢就跟住講乜, 有時我同大頭傾計, 佢會無端端搭咀, 又不時自問自答, 悶悶地時又會唱下歌仔自娛。
我發覺朗豬對聲音好敏感, 時常會不自覺地, 自己哼唱一d新嘅音樂旋律, 又會對一d特別聲響好有興趣, 經常因為一d古怪聲音, 而笑得前仆後繼, 例如去某d商場廁所, 有電動抹手紙機器, 朗豬一聽到d機器轉出紙張嘅聲音, 就會覺得好有趣、好新奇, 繼而會學習模仿, 然後哈哈大笑、樂在其中、 一玩再玩, 甚至可以留喺廁所玩15分鐘都唔願走。
依家朗豬識講嘢識表達, 大家嘅溝通就變得好互動, 同佢傾計&玩遊戲又好有交流, 佢嘅學習能力&模仿力好強, 呢頭做過嘅動作, 轉頭佢就學得似模似樣, 因此, 爆笑場面不時出現。但有時, 亦另我地覺得好頭痕, 因為佢識得要求、識得爭取, 下下要講交換條件, 少d耐性&心機都唔掂。
呢日朗豬又攞個Elmo玩具出黎玩, 我諗住等佢玩到入晒神之際, 黎個靜靜雞偷拍, 點知一拍就比佢發現咗, 唯有光明正大繼續拍啦, 好在佢都比我拍一陣, 可惜只係分咗心, 唔能夠比大家見到佢嘅食力。再玩Elmo玩具, 去片 >>>
2008年8月22日 星期五
蝙蝠俠 黑夜之神 The Dark Night
導演：
基斯杜化路蘭 Christopher Nolan
演員：
基斯頓比爾 Christian Bale (Bruce Wayne/蝙蝠俠)
希斯萊傑 Heath Ledger (小丑/The Joker)
米高肯恩 Michael Caine (管家阿福)
摩根費曼 Morgan Freeman (霍路斯/幕後助手)
加利奧曼 Gary Oldman (正義警長Gordon)
美姬佳蘭賀 Maggie Gyllenhaal (Rachel/蝙蝠俠心愛的人)
阿朗艾克 Aaron Eckhart (檢察總長Harvey Dent/雙面人)
回想起黎, 已經好耐...好耐...無一套戲, 令我有入場睇兩次嘅衝動喇!!
第一次入場係同大頭睇, 完場出黎個心仍然卜卜狂跳, 思緒又一直湧下湧下, 三幾日後都未能平伏, 雖然片長155分鐘, 但絕對無廁所時間, 劇情緊湊、節奏極快、伏線轉折、驚心動魄一浪接一浪, 心跳脈搏超過150, 完全令我透不過氣來。
往後幾日, 依然回味無窮, 諗下諗下就覺得, 好似miss咗好多細節, 又好似無睇晒d主角&配角嘅演技交流咁, 真係好想睇多次呀~~於是就同同事再睇多次, 第二次睇依然震懾於導演的深厚功力, 仍然令我有窒息嘅感覺, 實在係一部好戲。
我覺得"蝙蝠俠-黑夜之神"改錯中文譯名, 因為蝙蝠俠絕對唔係神, 佢只係一個超級富豪, 多功能蝙蝠車、全副武裝戰衣、各式各樣高科技設備, 都只係金錢堆砌而得出黎, 實際上, 佢並無超能力, 亦無異於常人的預知能力, 說穿了其實只係平凡人一個, 同樣害怕孤獨、有人性弱點、會受傷、會流血、絕對需要別人的認同和肯定。
個人認為, 主角Christian Bale的演技是最失色的一個, 戴上面具的蝙蝠俠, 演技只限制於身體語言的表達, 實在是難以發揮, 但當脫下面具, 飾演花花公子Bruce Wayne時, 卻又不見得風流瀟灑、玩世不恭。
相反地, 另一位主角Heath Ledger , 是演技最..最..最..最特出的一個, 它簡直演活了小丑一角, 一個心理扭曲的瘋子, 行為瘋狂無底線, 享受混亂與恐懼, 不為金錢只愛刺激, 盡是人性的陰暗面, 個人對他演技最深刻的, 是"why..so...serious??"那一段, 幾分鐘的純個人發揮, 看得人心驚肉跳、毛管直豎、不寒而慄, 不見血而充滿血腥味, 卻又同時讓我覺得心酸難過, 一時語塞。
飾演檢察總長Harvey Dent/雙面人的Aaron Eckhart, 演技也非常出色, 雙面人角色較有發揮空間, 只是被小丑的光芒掩蓋住了。飾演管家阿福的 Michael Caine, 和幕後助手霍路斯的 Morgan Freeman, 兩位都是片中最好的綠葉。飾演正義警長Gordon的Gary Oldman, 洽如其份、正直不柯。飾演Rachel 的Maggie Gyllenhaal, 演技一般並無驚喜。
全片最精彩的一幕, 會是兩艘載滿人的渡輪, 各自被孤立於海中心, 一艘載滿奉公守法的市民, 另一艘盡是重罪囚犯, 此時此刻主角頓變配角, 船上群眾成為了中心人物, 生殺大權操縱在人群手裡, 生死攸關的數十分鐘, 道盡人性的每一面, 非常豐富、非常精彩。
它是我所看過, 最現實化、最人性化的英雄片, 情與義、愛與恨、是與非、正與邪、生與死, 往往取捨於頃刻之間, 人性的千瘡百孔, 是人們永遠不願坦誠面對的一部份, 郤又是一生的追逐與追求。
Heath Ledger的死讓人痛惜, 更為這套戲忝上黯然哀慟, 但願他在另一個角度裡, 不用再追逐、不用再追求。
它是我所看過, 最現實化、最人性化的英雄片, 情與義、愛與恨、是與非、正與邪、生與死, 往往取捨於頃刻之間, 人性的千瘡百孔, 是人們永遠不願坦誠面對的一部份, 郤又是一生的追逐與追求。
Heath Ledger的死讓人痛惜, 更為這套戲忝上黯然哀慟, 但願他在另一個角度裡, 不用再追逐、不用再追求。
2008年7月22日 星期二
轉頭字的願望
2008年7月22日 (星期二) 大暑, 溫度高升, 陽光熾熱經過咗一個多月, 日日滂沱大雨嘅悶氣日子之後, 呢幾日終於都見到陽光燦爛的日子喇, 喺屋企悶咗咁多個星期, 終於"放監"喇....yeah!!
十年一度嘅轉字頭盛會又黎喇!!! 回想番上兩次轉字頭嘅時候, 都會覺得轉咗字頭之後, 已經好大個又好老餅喇, 但今次嘅感覺又唔係喎, 我反而覺得自己仲好青春、好有活力。死.. .. ..幣加火!!! 唔知呢d係咪老餅ed嘅"唔認老心態"呢??!!
每年臨近大鼻嘅牛一, 都會有幾班至密好友, 老早就call定我, 約出黎食飯兼慶祝, 而且係從一相識到依家, 都從不間斷又不厭其煩咁約, 有時真係會令我有ddd內疚架, 如果唔係呢d咁有心嘅老友, 我諗....我極有可能, 係會連自己嘅生日都忘記呀(唔係講笑)。而大鼻嘅至密好友, 可以分為3個幫派, 排名次序以相識日子計 :
太極派 - 係開山劈石嘅舊同學, 由於大家識於微時, 大家一齊成長, 一齊走過人生的各樣第一次, 又一齊經歷/面對人生嘅每一個階段, 感覺已經唔係好朋友咁簡單, 而係好似親人/家人feel咁, 有時覺得好親切, 但有時又覺得好疏離, 因為有好多嘢, 已經盡在不言中。
乞兒幫 - 係第一份工認識嘅舊同事, 呢班係我嘅老友兼死黨, 同佢地一齊可以食得、飲得、玩得、乜都傾講得、又乜都笑餐飽, 每次同佢地見面, 都會好熱鬧、好嘈吵又好盡慶, 盡管我地每人嘅性格都各不相近, 但好明顯....我地都係癡癡呆呆坐埋一枱。
娥眉派 - 全女班飛記舊同事, 不經不覺間, 同佢地都相識咗十幾年喇, 呢班係好正正經經嘅朋友, 有情有義又有心, 無論點都一定會記得我, 而且仲無限次寬恕, 我呢個無性記又無貢獻嘅一份子。
大鼻自覺好幸運, 能夠有咁多VSOP級嘅好朋友, 共渡人生開心快樂嘅時刻, 亦有分擔憂傷、互相扶持嘅片段, 今年嘅轉字頭生日飯局, 特別覺得開心、難忘又盡興, 我今年嘅生日願望係 : 三個黃身體健康, 世界和平。
其實, 除咗以上3大幫派之外, 大鼻仲有好多不同門派、兩脇插刀嘅同事及朋友, 又有一d永藏心底、永遠感激嘅知己朋友, 不過我份人好被動, 無記性又大瞢, 唔識得關心人, 永遠唔記得朋友嘅生日, 更加唔會記得買禮物, 所以就襯呢次轉字頭生日, 許多一個願望, 希望咁多位知己、好朋友、老友、死黨、同事一直包容/寬恕, 我呢個末期老人癡呆證患者, 直到永遠...阿門。
2008年7月14日 星期一
朗朗豬與黑芝麻
2008年7月13日 (星期日) 天陰多雲, 間中有驟雨
今日係May姨沙田寶寶店的喬遷之日, 今朝起身見天色陰陰地但無落雨, 間中仲有少少陽光, 從厚實的雲層中透視出來, 可惜大頭今日有外快job, 唔能夠一齊去沙田新店贈慶。直至10:00am天氣都唔太差, 大鼻決定同朗朗豬起程去沙田, 恭賀寶寶店開張之喜。
哇....呢度好多嘢玩又好多嘢食呀!!! 朗朗豬四圍跑跑跳跳, 有好多表舅父&表姨姨同佢玩, May姨婆仲讚朗豬有手尾好乖仔忝bor! 又玩又食咁渡過咗一個好開心嘅下午之後, 大慨3:30pm我地就回程lu。
今日係May姨沙田寶寶店的喬遷之日, 今朝起身見天色陰陰地但無落雨, 間中仲有少少陽光, 從厚實的雲層中透視出來, 可惜大頭今日有外快job, 唔能夠一齊去沙田新店贈慶。直至10:00am天氣都唔太差, 大鼻決定同朗朗豬起程去沙田, 恭賀寶寶店開張之喜。
哇....呢度好多嘢玩又好多嘢食呀!!! 朗朗豬四圍跑跑跳跳, 有好多表舅父&表姨姨同佢玩, May姨婆仲讚朗豬有手尾好乖仔忝bor! 又玩又食咁渡過咗一個好開心嘅下午之後, 大慨3:30pm我地就回程lu。
當返到屋企樓下時, 我地見到有個大哥哥, 同隻黑蚊蚊嘅狗仔玩掟波仔, 朗豬好似同佢地好熟絡, 自自然然行去join埋一齊玩, 佢同隻狗仔似乎好friend咁, 又摸下、又錫下、仲有握手忝, 隻狗仔好叻、好乖又好純, 佢擁有一身軟棉棉嘅黑色鬈髦, 聽主人講, 原來佢叫做"芝麻"呀, 朗朗豬同芝麻玩咗半粒鐘, 先至依依不捨咁返屋企, 臨走時仲大大聲聲咁講 "巴拜...施麻"
朗朗豬與黑芝麻, 去片 >>>
2008年7月12日 星期六
勿以善小而不為
2008年7月9日-7月12日 - 向世界出發(第三輯) - 余慕蓮 - 貴州山區
TVB的節目簡介，是這樣形容的：
余慕蓮，沒有結婚，沒有兒女，亦非有錢人，但她卻在晚年，用自己的積蓄，於貴州的深山，興建了一間學校。.......究竟這一間學校，如何將余慕蓮人生的一個遺憾，變成一班小朋友的希望？ 穿梭於貴州的深山，她領略人到黃昏的另一種人生，另一種智慧。
看罷節目才知道，原來余慕蓮今年已經70歲了。她於65歲退休時，拿到一筆20萬的退休金，她於機緣巧合之下，知道貴州的阿市鄉，沒有一所正式的學校，讓貧窮山區小朋友讀書，於是她便捐出8萬元，興建一所正式的學校－余慕蓮希望小學，讓鄰近貧窮山區的學童，能在合適設備的校舍上課。
余慕蓮於專輯內說 : 「想不到我的學校，有那麼多學生在讀書，我只是付出了一點點，就讓那裡多小朋友受惠，我真的好高興。......我好開心，因為自己的學校能夠讓小朋友受惠，因為我好喜歡好學的人，看到別人有書可讀，我就很開心。......其實我真的沒甚麼錢，不過我捨得捐出來，其實好多有心人都會跟我一樣捐學校，結果就有更多小朋友受惠了！這算不上偉大，只是拿出了一份真心而已！」
一路以黎，我對余慕蓮呢個藝人，最深刻就係佢經常被醜化嘅外形，佢一直都擔任住一ｄ唔起眼嘅小人物角色，感覺就似一ｄ熟悉嘅草根階層，又似喺身邊嘅左鄰右里咁，記憶中，並無凸出嘅代表作, 亦無乜令人留下無深刻印象。直至睇咗呢一輯節目，我先對佢嘅背景有深入ｄ嘅認識，原來佢嘅身世都幾可憐，因為自少父母離異而居無定所，所以要到17歲先能夠小學畢業。
靠著堅定的信念，靠著努力不懈的精神，就像大部份的草根階層一樣，一生人最大的祈望，就是擁有屬於自己的物業。已介晚年的她，雖然唔係好有錢，回望一生亦無乜特別成就，但佢擁有一顆真成而善良嘅心，和知足常樂嘅胸懷，雖然她話自己算不上偉大，亦唔覺得自己捐出／付出咗好多，但我卻被她的言語和行動，而深深受到感動。就鏡頭所見，當佢見到自己嘅捐獻，能夠幫助到幾佰名山區貧窮小朋友到學校上課，嗰種欣慰同滿足嘅笑容，實在比任何成就，更來得自豪和驕傲！
「勿以善小而不為，一顆善心，一個普通人，同樣可以令世界更美好！」我覺得，呢句簡簡單單嘅說話，好有深度又好感動，呢一輯節目好有heart，我會將佢銘記於心。
TVB的節目簡介，是這樣形容的：
余慕蓮，沒有結婚，沒有兒女，亦非有錢人，但她卻在晚年，用自己的積蓄，於貴州的深山，興建了一間學校。.......究竟這一間學校，如何將余慕蓮人生的一個遺憾，變成一班小朋友的希望？ 穿梭於貴州的深山，她領略人到黃昏的另一種人生，另一種智慧。
看罷節目才知道，原來余慕蓮今年已經70歲了。她於65歲退休時，拿到一筆20萬的退休金，她於機緣巧合之下，知道貴州的阿市鄉，沒有一所正式的學校，讓貧窮山區小朋友讀書，於是她便捐出8萬元，興建一所正式的學校－余慕蓮希望小學，讓鄰近貧窮山區的學童，能在合適設備的校舍上課。
余慕蓮於專輯內說 : 「想不到我的學校，有那麼多學生在讀書，我只是付出了一點點，就讓那裡多小朋友受惠，我真的好高興。......我好開心，因為自己的學校能夠讓小朋友受惠，因為我好喜歡好學的人，看到別人有書可讀，我就很開心。......其實我真的沒甚麼錢，不過我捨得捐出來，其實好多有心人都會跟我一樣捐學校，結果就有更多小朋友受惠了！這算不上偉大，只是拿出了一份真心而已！」
一路以黎，我對余慕蓮呢個藝人，最深刻就係佢經常被醜化嘅外形，佢一直都擔任住一ｄ唔起眼嘅小人物角色，感覺就似一ｄ熟悉嘅草根階層，又似喺身邊嘅左鄰右里咁，記憶中，並無凸出嘅代表作, 亦無乜令人留下無深刻印象。直至睇咗呢一輯節目，我先對佢嘅背景有深入ｄ嘅認識，原來佢嘅身世都幾可憐，因為自少父母離異而居無定所，所以要到17歲先能夠小學畢業。
靠著堅定的信念，靠著努力不懈的精神，就像大部份的草根階層一樣，一生人最大的祈望，就是擁有屬於自己的物業。已介晚年的她，雖然唔係好有錢，回望一生亦無乜特別成就，但佢擁有一顆真成而善良嘅心，和知足常樂嘅胸懷，雖然她話自己算不上偉大，亦唔覺得自己捐出／付出咗好多，但我卻被她的言語和行動，而深深受到感動。就鏡頭所見，當佢見到自己嘅捐獻，能夠幫助到幾佰名山區貧窮小朋友到學校上課，嗰種欣慰同滿足嘅笑容，實在比任何成就，更來得自豪和驕傲！
「勿以善小而不為，一顆善心，一個普通人，同樣可以令世界更美好！」我覺得，呢句簡簡單單嘅說話，好有深度又好感動，呢一輯節目好有heart，我會將佢銘記於心。
2008年7月9日 星期三
自學夾喼舞
2008年7月8日(星期二) 下雨天, 烏雲密佈, 間中有橫風橫雨
今年夏天真係好多雨水呀, 7月頭只係出現咗2日太陽天, 又變番日日落雨luu....
依家每晚8:00至9:30都係朗豬嘅睇碟時段, 佢不嬲都鐘意睇d兒歌碟, 而近期最鐘意睇嘅係Barney, 每次都講要睇Barney, Baby Bob, BJ咁, 我漸漸發覺朗豬從Barney碟中, 學識咗好多生字、歌仔同常識, 近排仲學埋跳土風舞忝, 但朗豬已經對影相機有認識又好敏銳, 佢唔會好似以前咁任我影喇, 所以, 依家要同佢影相/拍video真係好有難度, 呢晚佢睇睇下碟又起舞喇, 我真係好想拍底佢嘅有趣舞姿呀......一於從後偷拍!!
朗豬自學夾喼舞, Ac....tion >>>>
2008年6月30日 星期一
小宇宙大躍進
2008年6月30日(星期一) 天陰多雲有驟雨
根據大鼻非正式統計, 今個月整整30日裡面, 只有3日見到太陽伯伯, 其餘的大部份日子都落住傾盆大雨, 所以, 朗朗豬已經好多日都無得出街街, 無得去公園玩又無得踏單車仔。而直至上星期日, 朗朗豬嘅說話表達能力, 仍然維持喺兩、三個字嘅詞語之間, 大鼻真係估唔到喺呢個6月份裡面, 朗朗豬除咗高度大躍進之外, 原來佢嘅小宇宙亦黎一個大躍進呀。
事情係由一個風和日麗嘅6月24日(星期二)清早開始, 當日一起身, 就見到久違嘅太陽伯伯高高掛, 精神為之一震嘅我就立即起身梳洗, 之後如常去朗豬房間莊下佢, 點知當我一望入房, 就同朗朗豬對矇豬眼四目交投, 跟住佢就用甜到漏嘅笑容黎迎接我, 之後就講 : "起親....色風事", 與此同時, 仲坐起身望向窗口, 就隨即同我講 : "有太陽...去公園...挽單車", 佢無端端比驚喜我不特止, 講完仲隨即撲入我度要抱抱, 仲一路攬住我條頸一路話 : "同媽媽去"。哇....叫我點頂呀, 一個風和日麗嘅清早, 加一個甜到漏嘅笑容, 加一句無心快語, 再加一個情深抱抱, 大鼻即刻冧到暈晒, 成日都迷迷糊糊中....^_^
估唔到嘅驚喜陸續有黎, 話說6月25日(星期三)晚上, 三個黃用膳完畢一齊睇電視, 到廣告時段, 電視機播左一個"麥噹噹"廣告, 朗朗豬就手指指電視講 : "蜜..多盧", 之後, 睇到廣告尾聲嘅時候, 突然又講 : "蜜多盧...包包...好味d"。我同大頭又失驚無神比佢嚇親呀, 朗朗豬只係食過麥噹噹魚柳包一次咋, 就連"好味d"都識得講, 麥記嘅威力真係大呀!!!!
到6月29日(星期日)工人姐姐放假, 當日早上, 大鼻單拖湊住朗朗豬, 同佢一齊玩遊戲&玩具, 其間朗朗豬又有驚喜&驚訝比我勒, 原來佢唔聲唔聲咁, 已經學識好認真咁玩有多玩具, 真係估佢唔到呀。就好似以下嘅片斷, 朗朗豬自己玩ELMO玩具咁, 佢就識得自己襟"Let's Play"黎估發音字母、估生字, 最可惜係拍唔到, 佢全神貫注又完整d嘅版本啦, 我只可以偷偷地拍到廿幾秒咋, anyway, 都好過無啦......玩Elmo玩具, 去片 >>>
2008年6月23日 星期一
一問一答事件簿
2008年6月22日 (星期日) 大紅太陽高高掛, 第一個酷熱天氣警告, 正式為炎夏揭開序幕
今日係朗朗豬2歲零2個月大, 一早瞓醒啱啱記得又係時候要度下高, 於是就坐言起行, 即刻攞把間尺出黎度下先, 哇下……朗朗豬今個月高咗2cm呀, 平時每個月都係高1cm左右, 至勁果兩次都係高1.5cm架咋, 但今個月澎澎聲高double喎, 依家已經有94.5cm高, 腳板仔16cm長, 由於屋企無磅所以唔知佢重咗幾多, 但原本著開嘅加大碼片褲已經好逼迫feel, 我諗用埋屋企嘅存貨, 就要轉用加加大碼嘅片褲先得喇, 希望朗豬快d戒甩片片, 唔係遲d無片褲啱著就閉喇。
朗朗豬依家好多嘢講, 每次我地同佢講乜都好, 佢都會即刻跟住口水尾講, 最攪笑係佢以好論論盡盡又發音唔正嘅聲線, 配以一個事事認真、努力以赴嘅傻氣模樣黎講, 時常都令到我地啼笑皆非。
自從朗豬識講嘢, 大頭爸爸時時都會整估下佢, 又出其不意咁比d唔同嘅難題佢, 令佢嘅小腦袋加速運轉, 初時朗豬遇到唔識回答嘅嘢, 多數笑而不語又或者顧左右而言他就算, 經過一、兩個星期倒, 朗朗豬就開始嘗試回答爸爸嘅問題, 但當爸爸一轉個方式黎問佢, 佢就即刻硬晒呔又投降舉白旗, 直至最近, 佢地兩仔爺嘅一問一答, 至可以節錄到"一問一答事件簿"。
案件重溫一 : 有一日爸爸放工, 剛踏入屋企
朗豬說 : 爸爸, 開風扇 (朗豬手指指, 剛在轉下轉下的風扇)
爸爸說 : 哦, 開咗風扇呀, 點解開咗風扇架?
朗豬答 : 好熱!! (以大大聲又堅定嘅語氣說出)
我同大頭聽到都好驚訝, 佢居然諗都唔洗諗, 就知道好熱就要開風扇, 勁呀!!
案件重溫二 : 有一個晚上, 爸爸同朗朗豬一齊睇Teletubbies VCD, 話說其中有一幕, 公園突然吹大風, 於是Teletubbies全部掉頭走晒。
朗豬說 : 噢..dadadede走晒 (眼望爸爸, 手指指電視)
爸爸問 : dadadede走晒去邊度呀, 係咪走晒返屋企覺覺豬?
朗豬答 : me埋!! (又係大大聲又堅定咁講)
哇..今次又答得有sense喎, VCD嘅內容係無交代Teletubbies走晒去邊, 只係話佢地全部走晒, 我估朗朗豬可能自己代入咗角色, 先答得咁爽呀!
p.s. 由一開始朗朗豬就叫Teletubbies做dadadede, 直到依家都改唔番正。
其實, 簡單嘅對答仲有好多, 但呢兩個案件重溫係比較有代表性, 因為, 呢兩次嘅對答內容, 都係朗朗豬自己作主嘅搶答, 而唔係重覆媽媽或者姐姐嘅說話呀。
今日係朗朗豬2歲零2個月大, 一早瞓醒啱啱記得又係時候要度下高, 於是就坐言起行, 即刻攞把間尺出黎度下先, 哇下……朗朗豬今個月高咗2cm呀, 平時每個月都係高1cm左右, 至勁果兩次都係高1.5cm架咋, 但今個月澎澎聲高double喎, 依家已經有94.5cm高, 腳板仔16cm長, 由於屋企無磅所以唔知佢重咗幾多, 但原本著開嘅加大碼片褲已經好逼迫feel, 我諗用埋屋企嘅存貨, 就要轉用加加大碼嘅片褲先得喇, 希望朗豬快d戒甩片片, 唔係遲d無片褲啱著就閉喇。
朗朗豬依家好多嘢講, 每次我地同佢講乜都好, 佢都會即刻跟住口水尾講, 最攪笑係佢以好論論盡盡又發音唔正嘅聲線, 配以一個事事認真、努力以赴嘅傻氣模樣黎講, 時常都令到我地啼笑皆非。
自從朗豬識講嘢, 大頭爸爸時時都會整估下佢, 又出其不意咁比d唔同嘅難題佢, 令佢嘅小腦袋加速運轉, 初時朗豬遇到唔識回答嘅嘢, 多數笑而不語又或者顧左右而言他就算, 經過一、兩個星期倒, 朗朗豬就開始嘗試回答爸爸嘅問題, 但當爸爸一轉個方式黎問佢, 佢就即刻硬晒呔又投降舉白旗, 直至最近, 佢地兩仔爺嘅一問一答, 至可以節錄到"一問一答事件簿"。
案件重溫一 : 有一日爸爸放工, 剛踏入屋企
朗豬說 : 爸爸, 開風扇 (朗豬手指指, 剛在轉下轉下的風扇)
爸爸說 : 哦, 開咗風扇呀, 點解開咗風扇架?
朗豬答 : 好熱!! (以大大聲又堅定嘅語氣說出)
我同大頭聽到都好驚訝, 佢居然諗都唔洗諗, 就知道好熱就要開風扇, 勁呀!!
案件重溫二 : 有一個晚上, 爸爸同朗朗豬一齊睇Teletubbies VCD, 話說其中有一幕, 公園突然吹大風, 於是Teletubbies全部掉頭走晒。
朗豬說 : 噢..dadadede走晒 (眼望爸爸, 手指指電視)
爸爸問 : dadadede走晒去邊度呀, 係咪走晒返屋企覺覺豬?
朗豬答 : me埋!! (又係大大聲又堅定咁講)
哇..今次又答得有sense喎, VCD嘅內容係無交代Teletubbies走晒去邊, 只係話佢地全部走晒, 我估朗朗豬可能自己代入咗角色, 先答得咁爽呀!
p.s. 由一開始朗朗豬就叫Teletubbies做dadadede, 直到依家都改唔番正。
其實, 簡單嘅對答仲有好多, 但呢兩個案件重溫係比較有代表性, 因為, 呢兩次嘅對答內容, 都係朗朗豬自己作主嘅搶答, 而唔係重覆媽媽或者姐姐嘅說話呀。
2008年6月11日 星期三
一首獨唱的歌
2008年6月10日(星期二) 天晴, 有微風
上回講到, 朗朗豬滿咗2歲都唔肯點講嘢, 喺健康院做成長監察時, 就肥佬咗講嘢呢part, 攪到要2歲半時, 再返健康院跟進監察, 當我將呢件事擺咗上blog之後無幾耐, 朗朗豬就突然開撓喇, 到5月中時更加撻着咗turbo咁, 成日口不停咁好多嘢講, d經驗媽媽講得啱, 唔講由自何, 一講就唔停口。當然, 佢嘅發音仲未係好準確/清晰, 時時都要我地估餐死, 先知道佢講乜嘢。
除咗講嘢, 朗朗豬仲時不時會吚吚唷唷, 又會唸唸有詞咁, 無論我點留心聽, 都聽唔明佢講乜嘢, 真係抓晒頭又百思不得其解。後來有一次我發現到, 佢好似係哼d歌仔嘅音咁喎, 於是我就嘗試帶領佢一齊唱歌仔, 先可以解開呢個迷咋, 雖然佢依家只係跟到三、幾個音, 又唱唔到完整一句歌詞, 但佢都好enjoy同媽媽一齊唱歌仔。
同媽媽一齊唱歌仔, 睇片 >>>>
幾日之後嘅6月10號晚上, 大家食飽飽晚飯, 大頭去沖涼、姐姐去洗碗, 朗朗豬就坐喺自己張私家櫈度碌大巴士, 之後手指指佢面前一張櫈, 同我講 : "麻嗎....左....衣道", 於是我就面對住佢坐低, 之後, 朗朗豬無端端失驚無神, 喺我絲毫無心理準備之下, 完完整整咁唱咗一支歌仔比我聽, 我當時真係好驚訝/好開心呀, 係第一次獨唱而且我係佢第一個聽眾黎呀...heheee, 雖然咬字發音未係好掂, 但韻律拍子同高底音調都算合格, 呢個咁有意義嘅日子, 一定要mark住佢, 好在呢首歌仔佢唱完又唱, 我先可以拍底佢同大家share下。
上回講到, 朗朗豬滿咗2歲都唔肯點講嘢, 喺健康院做成長監察時, 就肥佬咗講嘢呢part, 攪到要2歲半時, 再返健康院跟進監察, 當我將呢件事擺咗上blog之後無幾耐, 朗朗豬就突然開撓喇, 到5月中時更加撻着咗turbo咁, 成日口不停咁好多嘢講, d經驗媽媽講得啱, 唔講由自何, 一講就唔停口。當然, 佢嘅發音仲未係好準確/清晰, 時時都要我地估餐死, 先知道佢講乜嘢。
除咗講嘢, 朗朗豬仲時不時會吚吚唷唷, 又會唸唸有詞咁, 無論我點留心聽, 都聽唔明佢講乜嘢, 真係抓晒頭又百思不得其解。後來有一次我發現到, 佢好似係哼d歌仔嘅音咁喎, 於是我就嘗試帶領佢一齊唱歌仔, 先可以解開呢個迷咋, 雖然佢依家只係跟到三、幾個音, 又唱唔到完整一句歌詞, 但佢都好enjoy同媽媽一齊唱歌仔。
同媽媽一齊唱歌仔, 睇片 >>>>
幾日之後嘅6月10號晚上, 大家食飽飽晚飯, 大頭去沖涼、姐姐去洗碗, 朗朗豬就坐喺自己張私家櫈度碌大巴士, 之後手指指佢面前一張櫈, 同我講 : "麻嗎....左....衣道", 於是我就面對住佢坐低, 之後, 朗朗豬無端端失驚無神, 喺我絲毫無心理準備之下, 完完整整咁唱咗一支歌仔比我聽, 我當時真係好驚訝/好開心呀, 係第一次獨唱而且我係佢第一個聽眾黎呀...heheee, 雖然咬字發音未係好掂, 但韻律拍子同高底音調都算合格, 呢個咁有意義嘅日子, 一定要mark住佢, 好在呢首歌仔佢唱完又唱, 我先可以拍底佢同大家share下。
一首獨唱的歌, 去片 >>>>
2008年5月22日 星期四
地震後的第十日 - 愛是永不止息的
2008年5月21日(星期三) 天陰多雲有驟雨
今天是四川7.8級大地震後的第十天, 有關四川地震消息及受災人數, 每日的新聞和報紙, 仍以極大篇幅報導著災區的最新消息。從電視新聞中攝影師的鏡頭下, 一幕一幕的生離死別, 從報章上新聞記者的筆觸下, 一個一個另人心酸的真實故事, 攝制隊和記者的親身見證和採訪, 無數個捨己救人的無名英雄, 實在使我於心靈上, 受到極大的震撼和感觸。
我們這一代生活於繁華鬧市中, 身旁總充斥著各式各樣的物質享受, 生活所需亦一應俱全, 以至我們的心靈深處, 早已被慾望和物質完全掩蓋住, 及至一次大災難的到臨, 我們才能看到人性至哀至善的一面。在生死攸關的一剎那, 人性本善的特質才彰顯得淋漓盡致, 教師為救學生而犧牲自己, 父母為救子女而捨命, 媽媽被困於瓦礫中, 臨終時仍念念不忘, 以短訊表達對兒子永恆不息的愛和祝福, 夫妻愛侶於生死邊緣, 仍無悔於不離不棄。還有無數個默默無名的人, 都在燃點著自己的生命以照耀他人, 千千萬萬的解放軍人、武警民兵、救援輔助隊員、醫護人員、義工組織、新聞工作者、無私的平民, 都在搶救災民時作出無私的奉獻, 義不容辭的付出, 義無反顧以及忘我的使命感...等等, 每一個人都在發光發熱, 照耀著每一夥失落的心靈。中國人的團結精神, 和至真至善的民族性, 讓我堅定了信念, 亦為我是中國人而感到自豪、感到驕傲。
在這一段日子裡, 每一個活生生的真實故事, 每天都盪漾在我的腦海中, 亦深深的洗刷著我的心靈。究竟什麼才是永久長存?? 又怎樣可以歷久常新呢?? 我現在的答案是, 唯有永不止息的愛。
要懂得感受愛、懂得珍惜才能真正擁有。只要相信自己、相信愛才能在迷失中, 一步步找到幸福和快樂的方向。
今天是四川7.8級大地震後的第十天, 有關四川地震消息及受災人數, 每日的新聞和報紙, 仍以極大篇幅報導著災區的最新消息。從電視新聞中攝影師的鏡頭下, 一幕一幕的生離死別, 從報章上新聞記者的筆觸下, 一個一個另人心酸的真實故事, 攝制隊和記者的親身見證和採訪, 無數個捨己救人的無名英雄, 實在使我於心靈上, 受到極大的震撼和感觸。
我們這一代生活於繁華鬧市中, 身旁總充斥著各式各樣的物質享受, 生活所需亦一應俱全, 以至我們的心靈深處, 早已被慾望和物質完全掩蓋住, 及至一次大災難的到臨, 我們才能看到人性至哀至善的一面。在生死攸關的一剎那, 人性本善的特質才彰顯得淋漓盡致, 教師為救學生而犧牲自己, 父母為救子女而捨命, 媽媽被困於瓦礫中, 臨終時仍念念不忘, 以短訊表達對兒子永恆不息的愛和祝福, 夫妻愛侶於生死邊緣, 仍無悔於不離不棄。還有無數個默默無名的人, 都在燃點著自己的生命以照耀他人, 千千萬萬的解放軍人、武警民兵、救援輔助隊員、醫護人員、義工組織、新聞工作者、無私的平民, 都在搶救災民時作出無私的奉獻, 義不容辭的付出, 義無反顧以及忘我的使命感...等等, 每一個人都在發光發熱, 照耀著每一夥失落的心靈。中國人的團結精神, 和至真至善的民族性, 讓我堅定了信念, 亦為我是中國人而感到自豪、感到驕傲。
在這一段日子裡, 每一個活生生的真實故事, 每天都盪漾在我的腦海中, 亦深深的洗刷著我的心靈。究竟什麼才是永久長存?? 又怎樣可以歷久常新呢?? 我現在的答案是, 唯有永不止息的愛。
要懂得感受愛、懂得珍惜才能真正擁有。只要相信自己、相信愛才能在迷失中, 一步步找到幸福和快樂的方向。
2008年5月16日 星期五
心靈動盪的五月天
2007年5月15日(星期四) 晴朗, 天氣清爽
踏入5月天, 我的心情就像坐上過山車一樣, 忽而衝上雲霄, 忽而跌入谷底, 飄飄忽忽、跌跌盪盪!!
5月1日奧運聖火終於到來香港了, 5月2日奧運聖火在香港傳遞一天, 當天早上尖沙咀一帶已擠擁得水洩不通, 大部份香港人都為此而感到激動、感到驕傲、感到興奮和感到光榮, 中國第一次舉辦奧運會, 也象徵著中國的地位的提升, 中國人也真真正正的"起來! 起來!"了。在這一刻, 我真真正正感覺到, 自己是百份百的中國人, 因為我的心情也跟千千萬萬的中國人一樣感到自豪、感到熱血沸騰~~
其後的每一天, 大家都以喜悅和激動的心情, 留意著奧運聖火的傳遞消息, 與此同時, 我們對國家的歸屬感, 也在不知不覺間堆積起來, 漸漸地也產生了濃烈的愛國情懷。
在5月12日下午, 突然地動山搖, 四川那邊傳來了壞消息, 是強度7.8級的大地震, 我們的心也跟著跌到谷底, 是天在發怒嗎????
我從電視的畫面中, 看到一幕一幕的人間悲劇, 親人聲嘶力竭的豪哭, 剎那間一無所有的失落哀傷, 一群一群家散人亡的遺孤, 一個一個絕望的眼神....每天都牽動著我的心!!!
為什麼?? 為什麼??? 我每天都在心裡問, 創造者弄錯了什麼嗎?? 他們都是善良又純樸的人啊!!!
踏入5月天, 我的心情就像坐上過山車一樣, 忽而衝上雲霄, 忽而跌入谷底, 飄飄忽忽、跌跌盪盪!!
5月1日奧運聖火終於到來香港了, 5月2日奧運聖火在香港傳遞一天, 當天早上尖沙咀一帶已擠擁得水洩不通, 大部份香港人都為此而感到激動、感到驕傲、感到興奮和感到光榮, 中國第一次舉辦奧運會, 也象徵著中國的地位的提升, 中國人也真真正正的"起來! 起來!"了。在這一刻, 我真真正正感覺到, 自己是百份百的中國人, 因為我的心情也跟千千萬萬的中國人一樣感到自豪、感到熱血沸騰~~
其後的每一天, 大家都以喜悅和激動的心情, 留意著奧運聖火的傳遞消息, 與此同時, 我們對國家的歸屬感, 也在不知不覺間堆積起來, 漸漸地也產生了濃烈的愛國情懷。
在5月12日下午, 突然地動山搖, 四川那邊傳來了壞消息, 是強度7.8級的大地震, 我們的心也跟著跌到谷底, 是天在發怒嗎????
我從電視的畫面中, 看到一幕一幕的人間悲劇, 親人聲嘶力竭的豪哭, 剎那間一無所有的失落哀傷, 一群一群家散人亡的遺孤, 一個一個絕望的眼神....每天都牽動著我的心!!!
為什麼?? 為什麼??? 我每天都在心裡問, 創造者弄錯了什麼嗎?? 他們都是善良又純樸的人啊!!!
2008年5月5日 星期一
２歲檢查又肥佬呀
2008年4月25日(星期五) 天陰多雲、間中有陽光
今日要同朗豬返健康院，主要係跟進佢嘅語言表達能力，與及身高體重增長是否合比例。
朗豬當日所量度嘅身高係91.4cm, 體重係14.2kg(31.2lb)，結果顯示朗豬嘅身高同體重，都係97線附近嘅加大碼，無超重之餘仲啱晒比例忝 >>> so, passed
其實我自己都會定期同朗豬度下身高架，睇番朗豬1歲至2歲嘅身高紀錄，就可以見到朗豬通常每個月都會增高1cm，但每當佢有發燒嘅月份，就會增高1.5cm，所以一年計計埋埋就高咗14.5cm喇。
今日要同朗豬返健康院，主要係跟進佢嘅語言表達能力，與及身高體重增長是否合比例。
朗豬當日所量度嘅身高係91.4cm, 體重係14.2kg(31.2lb)，結果顯示朗豬嘅身高同體重，都係97線附近嘅加大碼，無超重之餘仲啱晒比例忝 >>> so, passed
其實我自己都會定期同朗豬度下身高架，睇番朗豬1歲至2歲嘅身高紀錄，就可以見到朗豬通常每個月都會增高1cm，但每當佢有發燒嘅月份，就會增高1.5cm，所以一年計計埋埋就高咗14.5cm喇。
其次就係測試語言表達能力，姑娘攞咗一本書仔出黎比朗豬睇，跟住就講一d物件名稱，要朗豬喺本書仔度指番個物件出黎，大慨問咗10樣，朗豬指啱咗7-8樣，之後姑娘問朗豬識講d乜，咁我就講比姑娘知，朗豬識講：爸爸、媽媽、姐姐、嫲嫲、伯伯、姨姨、哥哥、弟弟、妹妹、大巴士、波波、波波池、mom mom、包包，咁姑娘就話，朗豬識講嘅嘢只係叠字，而一般2歲小朋友，應該識講一d詞語，同簡單嘅動詞或容易詞 >>> so, failed
姑娘話朗豬2歲半要再返健康院，跟進語言表達能力嘅進度，如果到時都未可以達到水平，就要約見醫生，哇下....原來咁大劑架，咁朗豬真係要加把勁講嘢至得喇!!!!!
2008年4月28日 星期一
2008年4月7日 星期一
2008年4月1日 星期二
廸欣湖一天遊
2008年3月30日(星期日) 天陰、潮濕、有霧
今日我地一家三個黃，約埋幾個同事朋友，中午喺青衣城集合兼食餐飽飽，然後就浩浩蕩蕩一行幾人，向今次嘅目的地“廸欣湖”進發。
我地先搭東涌線再轉廸士尼線，到廸士尼站再轉乘巴士，全程大慨25分鐘就到達廸欣湖喇。廸欣湖嘅面積比我想像中大，綠化環境和配搭也很簡潔，主要是以廸欣湖為中心點，而圍繞湖邊則有一條平坦石路，既可供遊人漫步、又可供租用單車行駛，而石路兩旁配置大量植物和草地，供遊人休息和嬉戲。
我已經好耐無見過咁多幅草地喇，而且仲可以事無忌憚咁行上去，真係覺得又興奮又舒服，特別係朗豬，佢一見到草地就好開心飛奔過去，於是我地就搵咗一幅面積較大又比較平坦嘅草地，比朗豬盡情跑、盡情high草，我地喺草地上玩肥皂泡吹波波，朗豬就好興奮好開心咁跑足全場，跑至汗流浹背、全身濕晒都唔願停，最後係大頭同大鼻都倦到唔識郁，先再起程慢慢行番起步點；跟住比朗豬發現仲有一個兒童遊樂場，於是佢就不惜一齊耗盡謹餘精力，喺回程車途上一伏上大鼻嘅膊頭，唔洗30秒就呼呼入睡，從朗豬沉睡中的笑容，就知道他仍在夢鄉中回味著愉快的一天。
今日我地一家三個黃，約埋幾個同事朋友，中午喺青衣城集合兼食餐飽飽，然後就浩浩蕩蕩一行幾人，向今次嘅目的地“廸欣湖”進發。
我地先搭東涌線再轉廸士尼線，到廸士尼站再轉乘巴士，全程大慨25分鐘就到達廸欣湖喇。廸欣湖嘅面積比我想像中大，綠化環境和配搭也很簡潔，主要是以廸欣湖為中心點，而圍繞湖邊則有一條平坦石路，既可供遊人漫步、又可供租用單車行駛，而石路兩旁配置大量植物和草地，供遊人休息和嬉戲。
我已經好耐無見過咁多幅草地喇，而且仲可以事無忌憚咁行上去，真係覺得又興奮又舒服，特別係朗豬，佢一見到草地就好開心飛奔過去，於是我地就搵咗一幅面積較大又比較平坦嘅草地，比朗豬盡情跑、盡情high草，我地喺草地上玩肥皂泡吹波波，朗豬就好興奮好開心咁跑足全場，跑至汗流浹背、全身濕晒都唔願停，最後係大頭同大鼻都倦到唔識郁，先再起程慢慢行番起步點；跟住比朗豬發現仲有一個兒童遊樂場，於是佢就不惜一齊耗盡謹餘精力，喺回程車途上一伏上大鼻嘅膊頭，唔洗30秒就呼呼入睡，從朗豬沉睡中的笑容，就知道他仍在夢鄉中回味著愉快的一天。
訂閱：
文章 (Atom)