2歲牛一喇

2008年4月22日(星期二) 天陰多雲

眨下眼又到朗朗豬2歲牛一喇!! 同往年一樣, 今年生日都無乜特別節目, 只係普普通通一家人咁過, 但由於嫲嫲同各位伯伯叔叔, 都想同朗朗豬一齊食下疍糕, 所以我地特別安排喺月頭嘅一次家庭聚會中, 舉行咗一個既簡單又隆重嘅食餅儀式, 等大家一齊高興下, 個疍糕仲係大頭一手包辦, 又靚又好味道, 大頭今次真係抵讚呀!!



除咗食疍糕, 當日嘅重頭節目係同朗豬去泳池游水, 朗朗豬對住d水水, 又驚又喜又愛又恨, 一時之間都唔知點表達, 而我同大頭更加意想不到, 朗豬喺呢種充滿矛盾衝擊嘅心情之下, 佢個樣係好滑稽又好可愛架。