大食之家

2009年7月31日(星期五) 天陰密雲, 間中有陽光

今個月又係大鼻牛一嘅日子呀, 好感激各方好友嘅邀約, 經過半個月以黎, 酒足飯飽、暢談歡聚、狂風掃落葉、酒不醉人人自醉嘅日子之後, 我個大肚腩又充實晒喇~~~嘻嘻~~~

今年嘅每一次飯聚, 大鼻特別帶埋大頭同朗豬, 一家三口咁一齊出席, 因為朗豬已經大個仔咗好多, 又已經識得講好多野, 所以我好想比d老死同朗豬仔見下面、傾下計, 除此以外, 我仲有一個陰謀架, 帶埋朗豬仔去食飯, 我地一定食到番本無蝕底呀....yeah!!!!

朗豬依家食飯都算乖仔, 佢足咗3歲大之後, 就開始同我地一齊埋飯枱食晚飯, 初期佢食得比較慢, 又唔專心, 有時會一路食一路玩, 有時食食下會扭計, 唔肯自己"不"飯食, 經過大慨2個月嘅特訓之後, 佢已經完全可以掌握到我地嘅速度, 亦可以坐定定咁食晒一餐飯。依家, 我地只要將餸菜剪細, 加埋白飯放入飯碗內, 佢就會自動自覺用匙梗"不"飯食, 一般黎講每餐飯都係半小時之內可以完成。喺大慨2個月前, 佢開始學用兒童筷子, 依家已經用得好好, 仲夾得好隱陣好自然忝。

我地一家三口都好鐘意食野, "大食之家"呢個稱號, 啱晒我地呀。以後有野食, 記得要預埋我地"大食之家"一份喎!!!!