攪笑錄音機

2009年7月26日 (星期日) 天陰多雲, 間中有陽光

朗豬依家好鐘意跟人講野，就連語氣、助語詞、代名詞都學到十足十，簡直就好似一部攪笑錄音機咁，有時會正常播放、有時會走音、有時會食帶、有時會不斷重複，攪到我地時時都啼笑皆非，任何場合只要有佢喺度，我地都會充滿歡樂及笑聲。

好多人都話，三歲至五歲大嘅小朋友，係最得意、最有趣、最可愛、最童真又最好玩嘅時候，寄望我地一定要好好珍惜及好好享受，呢一段轉瞬即逝嘅難忘時光。

其實朗豬喺我地嘅心目中，由呱呱落地、學轉身、學爬、學食飯、學企、學行、學說話、學大小便、學思考，都是與別不同又難忘的，佢每一個不同的成長階段，每一次的轉變，都帶比我地不一樣的喜悅，幾年來的點點滴滴，我地都銘記於心，亦將永遠成為我地兩老，極其珍貴的美好回憶。

就像回想起生產朗豬的情形，我依然記憶猶新。以前滿以為產房是全醫院最歡樂的地方，記得我在待產室，等待生產的時候，就覺得待產室，有如一個哀鴻遍野的戰場，處處四面楚歌，我徹夜陣痛仍不夠度數，無法自然生產，早上醫生巡房時決定開刀，我被推入冰冷的手術室，於尾龍骨處施葯以半身麻醉，我的視線被阻，當然不能看到自己被劏開取子的血腥場面，更加不知道我慘被安排成為人體示範的實驗品，開刀生產過程被幾名實習醫生圍觀著。苦難過去，3.14kg重的獎品送到，他那天使的笑容和面蛋，使我不禁流下豆大的眼淚。這一切一切，彷如烹調著我甜酸苦辣的人生，愛與痛交織出千滋百味。

朗豬身高 : 105.5cm
朗豬體重 : 45lb
朗豬腳長 : 17cm