今日相約幾個bb會嘅朋友仔, 一齊去大埔一日遊, 第一個行程係去大埔海濱公園, 公園入面有好多大草地, 可以比小朋友跑下, 朗朗豬一見有草地, 就好興奮係咁跑來跑去又玩波波, 另一邊草地仲有好多人放風箏, 朗朗豬見到覺得好新奇, 不斷咁問果d係咪雀仔飛飛 ??
玩咗一陣開始有少少雨粉, 放是我地轉地頭去室內, 行下公園入面嘅昆蟲館, 館入面有好多大大小小嘅昆蟲標本, 小朋友一面驚一面睇, 行完昆蟲館出黎已經停雨喇, 於是我地起程去下一個行程, 小白鷺餐廳BBQ。
我地今次係第一次去小白鷺餐廳, 原來呢度好靚好舒服呀, 對住一個平靜如鏡嘅小湖, 環境既優美又寧靜, 地方乾淨又寬敞, BBQ嘅食物又好味, 今次真係抵晒!!
食飽飽又係小朋友嘅活動時間喇, 去到親親小羊區, 見到大大小小十幾隻羊仔喺鐵欄入面, 仲有2-3隻羊BB走咗出黎忝, 朗朗豬第一次近距離接觸羊仔, 好開心又好雀躍, 首先要餵下、跟住要摸下、之後仲話要鍚下忝bor。
餵羊咩咩食草, 去片 >>>
之後, 順道去參觀michelle姨姨嘅新居, 點知坐坐下又食埋晚飯忝, 真係多謝michelle姨姨盛情款待, 又細意安排咁豐富嘅行程節目, 成班小朋友都玩得好開心&好投入, 有機會的話一定要去大埔海濱公園再玩過, 今日玩足一日, 大人細路都倦到散晒luuu
2 則留言:
吓, 點解我以前去小白鷺唔覺有得餵山羊架
咁妳一日三遊一食, 收幾錢一位呀 ?
我地幾個family自己去唔係跟團, 玩一日嘅費用如下 :
以大埔墟火車站出發計
打的去大埔海濱公園 - $20
大埔海濱公園 - 免費入場
昆蟲館 - 免費入場
打的去小白鷺 - $30
小白鷺餐廳, 任燒3小時午餐BBQ - $98/大人, $78/3歲-10歲, 3歲以下免費
P.S.任燒BBQ不包飲品, 要另外ORDER收費, 我地自己帶咗2樽水去
另叫3罐汽水(2人) - $30
親親小羊羊 - 免費入場
餵羊仔食嘅草 - $6一份, $10二份
我地1pm到小白鷺, BBQ到4:30pm左右, 跟住落番地面, 去親親小羊羊果度玩, 喺小羊區&旁邊嘅小公園, 玩到5:30pm回程
張貼留言