07年6月30日 (星期日) 天陰多雲, 時而狂風暴雨
唉!!! 又係一個落雨嘅假期天, 一連幾個星期嘅天氣都唔好, 一係曬到飛起熱到溶, 一係就狂風暴雨咁, 攪到我哋無得出街玩, 真係掃興呀!
無得出街玩嘅日子, 朗豬唯有留喺屋企騰嚟騰去, 攪下東又攪下西咁, 依家佢係百厭仔一名, 成日爬上爬落, 又鐘意將d野搬嚟搬去, 呢樣野可能係似大頭掛。
要數朗豬至愛活動, 不能不提嘅係睇電視, 佢無論做緊咩, 當一聽到廣告聲, 就即刻變成電視蟲, 見到電視有bb或者小朋友, 會即刻打hello hello手勢, 如果見到人哋拍手 、聽到唱歌或者聽到話好野好野咁, 都會即刻拍手仔。
朗朗豬係電視蟲...去片
另一樣朗豬嘅至愛, 就係睇巴士勒, 佢每日都要睇N咁多次巴士, 見親巴士會打hello同bye bye手勢, 有時仲會好興奮咁大叫話我哋知, 仲不時會流露出, 傾慕而又痴痴纏纏嘅眼神忝架
至愛大巴士.....去片
沒有留言:
張貼留言