大頭狗狗大鼻兔

2009年9月13日星期日

學左兩首歌仔

2009年9月13 (星期日) 天氣焗熱, 陰晴不定, 傍晚時份突然雷電交叉, 橫風橫雨

眨下眼, 朗豬已經返學兩星期lu, 佢依家已經好適應返學, 無喊又無扭計。
不過, 老師對朗豬有以下的投訴 :-
1) 老師話佢好似唔識自己個名咁, 唔識得回應老師
2) 佢有時會自言自語, 唔理會老師講緊野
3) 成日一個自己走開去第二度, 唔聽老師指示
4) 說話時, 唔望人

希望朗豬可以盡快適應學校生活, 學會守規矩, 學會聽老師指示, 唔需要老師特別照顧。

上課兩星期, 朗豬學識左唱兩隻歌仔, 呢幾日不時都會唱住。

唱太陽伯伯....去片 >>

唱有隻雀仔跌落水....去片 >>

2009年9月5日星期六

開學第一週

2009年9月1日 - 5日天晴有微風, 皓熱天氣

9月1日 - 開學第一天, 返學無事, 大慨放學前30分鐘開始喊, 要搵媽媽和姐姐, 放學時大喊。

9月2日 - 上課第二天, 返學無喊, 放學都無喊, 但老師來電說, 他上課中途有喊, 而且仲喊得好大聲, 老師說, 朗豬比較受其他小朋友影響, 當有其他小朋友大喊, 佢就會跟住喊, 如果無人喊, 佢又會慢慢平靜落黎, 聽老師說話和講故事。另老師投訴, 朗豬未能自己小便, 提議我們要在家中加強訓練, 但她亦有讚朗豬好乖, 會幫手執玩具, 除了執自己的玩具, 也會幫其他小朋友執玩具。

9月3日 - 上課第三天, 返學無喊, 到姐姐要離開課室時, 他便開始喊, 要拉著姐姐, 不讓姐姐離開, 後來要老師幫助安撫, 姐姐才能離開。放學時無喊, 仲講今日喺學校食餅餅, 玩ginger。

9月4日 - 上課第四天, 今日未入學校, 朗豬已經開始喊, 仲話唔返學, 要返屋企, 但佢始終都肯入學校及入課室, 老師一見到朗豬, 便協助安撫他, 並讓姐姐離開課室。放學時無喊, 仲話返學好開心, 有食腸仔包, 玩ginger。

朗豬兩日都話玩ginger, 究竟學校點會有ginger玩架呢?? 我諗極都唔明呀?!?!?!

雖然朗豬每日返學時仲有喊, 但佢依家每朝都好早起身, 擦牙洗面, 食早餐, 換校服亦好合作, 又無話唔肯返學, 所以我相信佢好快就會適應校園生活, 亦好快會鐘意返學。由下星期一開始, 便改回正式的上課時間, 每天3小時, 亦會開始有正式的教學課程了, 希望朗豬好快就可以清楚d講比我知, 究竟喺學校點玩ginger法, 我真係好想知呀!!

2009年9月3日星期四

K1開課日

2009年9月1日天晴, 太陽熾熱

今日係幼稚園正式開課日, K1學生今個星期的上課時間, 只有2小時, 以便小朋友能夠慢慢適應校園生活。

朗豬一早起身, 擦牙洗面, 食早餐, 換校服, 穿上校服的朗豬, 個樣好醒目又大個仔咗呀。

由於朗豬今朝晨早就起身, 兼且全程好合作, 我地比預定時間早咗到達學校。

入到學校, 最吸引朗豬嘅玩具, 就係呢個籃球架勒。

入到課室, 朗豬已經認得自己嘅坐位, 佢仲即時全情投入咁玩玩具。9點正校鐘嚮起, 媽媽同姐姐要離開課室了, 朗豬無喊又無扭計, 似乎無乜問題, 佢繼續坐定定玩玩具。

11點放學了, 老師打開課室門, 各位家長都很心急地排隊接小朋友放學, 我和姐姐也不例外。怎料老師居然說 : 有幾位小朋友喊得好利害, 要先讓他們放學, 以免影響其他小朋友的秩序, 接著我便聽到一把熟悉的哭聲, 越來越響亮, 越來越雄壯, 原來真係朗豬呀!!!!
佢係第一個放學嘅小朋友, 事關老師話佢喊得最大聲, 一定要比佢放第一呀...*_*

2009年8月28日星期五

莘莘學子get..set..go..

2009年8月28日 (星期五) 天晴, 酷熱天氣

朗豬今年已經3歲了, 要正式入讀幼稚園的幼兒班, 而這亦開展了他人生裡學習歷程的第一步, 同時也象徵著他的圈子, 將會漸漸擴闊, 他的眼界思維, 將會漸漸張開, 父母家人已經不再是他的全部, 老師、同學仔和朋友仔的位置, 可能會佔更重要的位置。

8月27日及28日, 是幼稚園的新生試學日, 大鼻帶著穿著整齊校服的朗豬到幼稚園一齊上課, 這兩個試學日, 其實並沒有什麼學習及課程, 只是讓小朋友熟識學校環境, 認清課室及自己坐位的位置罷了, 而主要的目的, 是向各家長介紹學校的日常運作, 學校與家長的聯繫及溝通方法, 與其說是新生試學日, 不如說是新生家長日, 來得適合。

大鼻帶著朗豬一起上學, 感覺很新鮮, 因為大鼻已經完全忘記, 自己的幼稚園生涯是如何渡過的了。在老師的帶領下, 一起唱早晨歌, 一起唱茶點歌, 一起唱再會歌, 真是非常有趣。

2009年8月17日星期一

尖沙咀兩咀

2009年8月17日 (星期一) 天陰多雲, 間中有陽光

又到朗豬蕃薯活動嘅時候喇!!!!

近月收到尖咀區蕃薯的要求, 強烈渴望朗豬能夠於暑假假期完結前, 再黎一次蕃薯聚會, 亦希望大家可以近距離接觸, 及再一次交流"為食心得", 於是呢個"尖沙咀兩咀"活動, 就順理成章地於尖咀區舉行, 係咪好勁呢....哈哈哈。

朗豬說 : oh my god....乜你地食得咁慢架!!!!