今日係幼稚園正式開課日, K1學生今個星期的上課時間, 只有2小時, 以便小朋友能夠慢慢適應校園 生活。
朗豬一早起身, 擦牙洗面, 食早餐, 換校服, 穿上校服的朗豬, 個樣好醒目又大個仔咗呀。
由於朗豬今朝晨早就起身, 兼且全程好合作, 我地比預定時間早咗到達學校。
入到學校, 最吸引朗豬嘅玩具, 就係呢個籃球架勒。
入到課室, 朗豬已經認得自己嘅坐位, 佢仲即時全情投入咁玩玩具。9點正校鐘嚮起, 媽媽同姐姐要離開課室了, 朗豬無喊又無扭計, 似乎無乜問題, 佢繼續坐定定玩玩具。
11點放學了, 老師打開課室門, 各位家長都很心急地排隊接小朋友放學, 我和姐姐也不例外。怎料老師居然說 : 有幾位小朋友喊得好利害, 要先讓他們放學, 以免影響其他小朋友的秩序, 接著我便聽到一把熟悉的哭聲, 越來越響亮, 越來越雄壯, 原來真係朗豬呀!!!!
佢係第一個放學嘅小朋友, 事關老師話佢喊得最大聲, 一定要比佢放第一呀...*_*
沒有留言:
張貼留言