妹妹出世了

2010年1月19日 (星期二)

收到嫲嫲的電話通知, 朗豬做了堂哥哥, 堂妹已經出世了。妹妹叫做晞童, 重6磅, 是開刀生的。

2010年1月31日 (星期日) 天陰多雲, 有微雨

今日妹妹滿12朝喇, 下午, 我帶著朗豬到屯門去探望妹妹。妹妹似足佢爸爸個樣, 成個餅印咁, 好可愛呀。妹妹只有十幾日大, 已經好硬淨又識得轉頭仔, 又唔會扭計, 真係好叻囡。大鼻已經好耐無抱初生嬰兒了, 初時都顯得有少少雞手鴨腳, 望下妹妹, 又望下朗豬, 真係覺得時光飛逝, 歲月不留情。