暑假的收獲-免費贈閱

2009年9月18日 (星期五) 天晴有太陽有微風

「漫畫易經」是今年暑假我最喜歡、最感興趣的書籍, 佢亦將會成為大鼻空中樓閣的珍藏, 看著這本書的時候, 我便對古人的智慧, 古人對大自然的了解和尊重, 實在感到驚嘆不已, 感覺簡直是震撼得驚天動地。


「和諧世界, 從心開始」和「小故事大智慧」系列, 是大鼻在一次機緣巧合之下, 於「香港佛陀教育協會」取得的免費贈閱, 雖然是免費書籍, 但書本的內容與及內裡所包含的聖賢智慧, 都是每一個人必須要學習的。


今年暑假, 我總共看了10本書, 剛巧這10本書都是朋友借閱和免費贈閱的, 好開心啊~~好滿足啊~~

現在, 我要收拾心情, 開始第二個「閉關期」, 做好準備參加12月的考試。

暑假的收獲-May的藏書

2009年9月18日 (星期五) 天晴有陽光有微風

眨下眼, 今年嘅暑假已經過去了。大鼻今年初定下一個目標, 希望可以在三年內, 完成一個學位的成績, 因此我必須於每年的6月及12月參加公開考試。而為了可以專心應付課程, 我會強迫自己, 於上課備試期間, 不閱讀所有的課外書籍, 祈望自己可以專心一致、心無雜念的應付課程及考試, 而呢一段時間, 我會稱之為"閉關期"。

今年6月的閉關期一過, 便收到有心人May借給我的幾本書, 於是6月至7月, 我便每天埋頭苦幹、樂此不疲地浸淫於易經與佛學之中。

8月, 又收到May的另外2本借閱書, 這6本書都是我以前從未看過的題材的書本, 真讓我獲益良多。

在此, 真要多謝May的分享借閱, 多謝她對我的信任, 更要多謝Wendy的穿針引線。

學左兩首歌仔

2009年9月13 (星期日) 天氣焗熱, 陰晴不定, 傍晚時份突然雷電交叉, 橫風橫雨

眨下眼, 朗豬已經返學兩星期lu, 佢依家已經好適應返學, 無喊又無扭計。
不過, 老師對朗豬有以下的投訴 :-
1) 老師話佢好似唔識自己個名咁, 唔識得回應老師
2) 佢有時會自言自語, 唔理會老師講緊野
3) 成日一個自己走開去第二度, 唔聽老師指示
4) 說話時, 唔望人

希望朗豬可以盡快適應學校生活, 學會守規矩, 學會聽老師指示, 唔需要老師特別照顧。

上課兩星期, 朗豬學識左唱兩隻歌仔, 呢幾日不時都會唱住。

唱太陽伯伯....去片 >>


唱有隻雀仔跌落水....去片 >>

開學第一週

2009年9月1日 - 5日 天晴有微風, 皓熱天氣

9月1日 - 開學第一天, 返學無事, 大慨放學前30分鐘開始喊, 要搵媽媽和姐姐, 放學時大喊。

9月2日 - 上課第二天, 返學無喊, 放學都無喊, 但老師來電說, 他上課中途有喊, 而且仲喊得好大聲, 老師說, 朗豬比較受其他小朋友影響, 當有其他小朋友大喊, 佢就會跟住喊, 如果無人喊, 佢又會慢慢平靜落黎, 聽老師說話和講故事。另老師投訴, 朗豬未能自己小便, 提議我們要在家中加強訓練, 但她亦有讚朗豬好乖, 會幫手執玩具, 除了執自己的玩具, 也會幫其他小朋友執玩具。

9月3日 - 上課第三天, 返學無喊, 到姐姐要離開課室時, 他便開始喊, 要拉著姐姐, 不讓姐姐離開, 後來要老師幫助安撫, 姐姐才能離開。放學時無喊, 仲講今日喺學校食餅餅, 玩ginger。

9月4日 - 上課第四天, 今日未入學校, 朗豬已經開始喊, 仲話唔返學, 要返屋企, 但佢始終都肯入學校及入課室, 老師一見到朗豬, 便協助安撫他, 並讓姐姐離開課室。放學時無喊, 仲話返學好開心, 有食腸仔包, 玩ginger。

朗豬兩日都話玩ginger, 究竟學校點會有ginger玩架呢?? 我諗極都唔明呀?!?!?!

雖然朗豬每日返學時仲有喊, 但佢依家每朝都好早起身, 擦牙洗面, 食早餐, 換校服亦好合作, 又無話唔肯返學, 所以我相信佢好快就會適應校園生活, 亦好快會鐘意返學。由下星期一開始, 便改回正式的上課時間, 每天3小時, 亦會開始有正式的教學課程了, 希望朗豬好快就可以清楚d講比我知, 究竟喺學校點玩ginger法, 我真係好想知呀!!

K1開課日

2009年9月1日 天晴, 太陽熾熱

今日係幼稚園正式開課日, K1學生今個星期的上課時間, 只有2小時, 以便小朋友能夠慢慢適應校園 生活。

朗豬一早起身, 擦牙洗面, 食早餐, 換校服, 穿上校服的朗豬, 個樣好醒目又大個仔咗呀。


由於朗豬今朝晨早就起身, 兼且全程好合作, 我地比預定時間早咗到達學校。


入到學校, 最吸引朗豬嘅玩具, 就係呢個籃球架勒。


入到課室, 朗豬已經認得自己嘅坐位, 佢仲即時全情投入咁玩玩具。9點正校鐘嚮起, 媽媽同姐姐要離開課室了, 朗豬無喊又無扭計, 似乎無乜問題, 佢繼續坐定定玩玩具。


11點放學了, 老師打開課室門, 各位家長都很心急地排隊接小朋友放學, 我和姐姐也不例外。怎料老師居然說 : 有幾位小朋友喊得好利害, 要先讓他們放學, 以免影響其他小朋友的秩序, 接著我便聽到一把熟悉的哭聲, 越來越響亮, 越來越雄壯, 原來真係朗豬呀!!!!
佢係第一個放學嘅小朋友, 事關老師話佢喊得最大聲, 一定要比佢放第一呀...*_*