上回講到, 朗朗豬滿咗2歲都唔肯點講嘢, 喺健康院做成長監察時, 就肥佬咗講嘢呢part, 攪到要2歲半時, 再返健康院跟進監察, 當我將呢件事擺咗上blog之後無幾耐, 朗朗豬就突然開撓喇, 到5月中時更加撻着咗turbo咁, 成日口不停咁好多嘢講, d經驗媽媽講得啱, 唔講由自何, 一講就唔停口。當然, 佢嘅發音仲未係好準確/清晰, 時時都要我地估餐死, 先知道佢講乜嘢。
除咗講嘢, 朗朗豬仲時不時會吚吚唷唷, 又會唸唸有詞咁, 無論我點留心聽, 都聽唔明佢講乜嘢, 真係抓晒頭又百思不得其解。後來有一次我發現到, 佢好似係哼d歌仔嘅音咁喎, 於是我就嘗試帶領佢一齊唱歌仔, 先可以解開呢個迷咋, 雖然佢依家只係跟到三、幾個音, 又唱唔到完整一句歌詞, 但佢都好enjoy同媽媽一齊唱歌仔。
同媽媽一齊唱歌仔, 睇片 >>>>
幾日之後嘅6月10號晚上, 大家食飽飽晚飯, 大頭去沖涼、姐姐去洗碗, 朗朗豬就坐喺自己張私家櫈度碌大巴士, 之後手指指佢面前一張櫈, 同我講 : "麻嗎....左....衣道", 於是我就面對住佢坐低, 之後, 朗朗豬無端端失驚無神, 喺我絲毫無心理準備之下, 完完整整咁唱咗一支歌仔比我聽, 我當時真係好驚訝/好開心呀, 係第一次獨唱而且我係佢第一個聽眾黎呀...heheee, 雖然咬字發音未係好掂, 但韻律拍子同高底音調都算合格, 呢個咁有意義嘅日子, 一定要mark住佢, 好在呢首歌仔佢唱完又唱, 我先可以拍底佢同大家share下。
一首獨唱的歌, 去片 >>>>
3 則留言:
我一早就唔擔心小朗祺唔識講野, 因為我其中一個外甥仔當時情況跟小朗祺一樣, 我大姑奶當時擔心到咸咗出嚟, 點知......當外甥仔2歲嘅時候, 每日每時每分每刻都不停口咁講野, 簡直係......停唔到口, 真係俾佢煩死!
我覺得朗朗豬簡直好有語言天才
因為穿著日本版衫仔, 所以就襯番件衫, 唱出有日本話feel嘅abcd歌仔..heheee
dora
妳好細心, 連日本版衫仔都睇得出, 勁呀~~~
張貼留言