16隻牙仔喇

2007年9月

朗豬喺呢一個月裡面, 噼嚦拍拍係咁出牙, 短短個零月就出齊幾隻牙, 依家佢總共有16隻牙仔喇, 以佢現時嘅成長階段嚟計, 佢應該算係出齊晒牙, 我諗要到2歲以後, 先至會出埋剩餘嘅4隻大臼齒.

隨住朗豬出牙嘅同時, 佢嘅生活習慣同飲食習慣亦跟着改變, 佢依家嘅午餐會食粉麺一碗, 晚餐會食爛飯仔一碗, 早晚一定會飲一大支奶, 至於下午茶, 有時會飲半支奶, 有時會飲維他奶加麺飽或餅仔, 再加半個水果咁, 真係一日五餐, 餐餐不同, 所以呢, 依家抱佢上手, 真係啖啖肉又好重手下架.

朗豬平時喺屋企時, 係非常活躍好動, 又時常有好鬼靈精主意, 佢好鐘意整估我地, 又鐘意做一d不合乎規則嘅事情, 就連玩玩具亦會以唔正常嘅方法去玩, 我諗佢依家係另一個成長階段, 以及正在發展另一種思考方式. 至於講野方面, 暫時仲係毫無進展, 真係好期待聽到佢嘅bb話呀~~

同米奇遊車河, 去片 >>

見到冒險樂園就興奮, 去片 >>

傻下傻下玩襟襟, 去片 >>


我愛肥皂泡, 去片 >>