不經不覺就踏入初秋季節, 依家嘅天氣好舒服, 清清涼涼又有小小太陽温暖, 真係出外郊遊嘅好時機, 我地一家三口都襯住咁難得嘅好天氣, 今個月去咗九龍公園玩, 同去參觀嘉道理農場, 經過呢兩日嘅郊遊, 我發覺朗朗豬比以前進步咗, 一來無咁怕生保同怕羞, 佢會主動走去小朋友堆度一齊玩, 二來係每當朗朗豬見到一d認識嘅野, 例如 : 肥豬仔、雞仔、雀仔、龜仔、魚魚、花花草草、水水等等嘅野, 都會好快用手指指住, 然後係咁吚吚呀呀話比我地知佢嘅發現, 如果我地唔啋佢, 佢會越叫越大聲又哇哇嘈, 真至我地聽到同回應佢為止, 認真長氣架。
初秋季節去九龍公園, 氣候舒適又有活動空間, 真係一個舒展身心嘅好去處, 園內仲有好多唔同品種嘅雀仔/鳥類, 又可以玩肥皂泡吹波波, 至開心仲有兒童遊樂場, 等朗朗豬可以玩餐飽...yeah!!!!
遊樂場玩珠仔, 去片 >>>
玩滑梯之一, 去片>>>
玩滑梯之二, 去片 >>>
玩到倦..兩手fig fig遊走樂園, 去片 >>>
朗朗豬剛滿歲半大, 佢嘅身高同體形都比較大隻仔, 個樣又比較老積, 同佢出街時常會比其他人, 以為佢已經二歲至三歲大。今朝早我第一次同佢去圖書館, 我地喺兒童圖書閣入面, 一齊坐定定睇圖書睇咗20分鐘, 之後就喺兒童圖書閣入面周圍行, 佢對圖書館嘅環境及圖書及電腦都充满好期, 仲有小朋友撩佢傾計&一齊睇書忝。 體重29磅, 85cm高, 腳板仔15cm。
