新屋入伙了

2010年1月10日(星期日) 天晴, 微寒

今日, 我地正式搬屋, 正式安床入伙喇!!!

一早醒來, 發覺今日嘅天氣好好呀, 有陽光又有藍天白雲, 乾爽得黎又有小小涼涼地, 好舒服嘅天氣呀!!!

由於明天便是星期一, 我地今日必定要將兩張床, 兩個衣櫃, 電視, 雪櫃, 洗衣機及全部日常穿著的衣服和用品搬到新屋, 才不會影響到明天的日常生活。所以, 我地一定要抓緊時間, 行動迅速。

大頭主力負責搬動大件的傢俬和電器, 而我則帶著姐姐和朗豬, 在新屋執拾零碎物件。

接近下午時, 嫲嫲帶著麺包和生果來探望我們, 我們就依靠嫲嫲的麺包來充饑, 午後, 兩張床都已經安裝好, 朗豬可以午睡了, 我要爭取時間, 執拾我們日常穿著的衣物和廚房用品。大慨五時, 雪櫃, 洗衣機和電視都已經搬好和安裝好了, 大部份物品已執拾得七七八八時, 已經六點了, 我們和嫲嫲一行五人, 到附近的餐廳吃晚飯, 這便是我們的入伙飯了。

晚上, 我地仍然要努力開箱執拾衣物用品, 直至12時多才能沖涼睡覺, 睡在新屋的床上, 真是舒適無比!!!!

第一次見卡通人

2009年12月27日(星期日) 天陰有驟雨, 寒涼

今年的聖誕節跟往年一樣, 我地同朗豬參加咗3個x'mas party。

25號 : 去Zoe屋企開party, 既勁食又狂飲, 固稱為"不醉無歸party"

26號 : 去Meilin嘅clubhouse度, 同十幾位其他小朋友一齊開開心心咁又玩又食, 回程時拿滿大包小包的禮物, 固稱為"滿載而歸party"

27號 : Dora, Bonnie, Meiling, Wendy和我們, 幾個family一齊去迪士尼酒店食lunch buffet, 迪士尼嘅卡通人, 真係令到朗豬又驚又喜, 固稱為"又哭又笑party"

對於朗豬黎講, 最難忘嘅應該係同迪士尼卡通人物嘅第一次近距離接觸, 當日一共有四個卡通人物於餐廳內, 不停圍繞於各桌椅之間, 同各人打招呼和拍照, 而最受歡迎嘅卡通人, 當然係micky mouse啦。




雖然中途曾經因為pluto嘅作弄, 而令到朗豬好驚好怕, 仲要喊得好大聲, 之後又要媽咪同佢走鬼, 避開晒全部嘅卡通人, 但最後朗豬都可以平服心情, 對micky和minnie恢復信任, 重投他們的懷抱。

家中習作

2009年12月20日(星期日)

今日工人姐姐放假, 大鼻照往常一樣在家湊朗豬, 依家除咗會同朗豬玩玩具、玩遊戲、講故事之外, 每日都要同佢練習寫字, 一般每日都會寫半小時左右, 現在為止已經學識自己寫晒A-Z, 1號至60號。

新屋嘅裝修已經進行得如火如荼, 呢排我同大頭都忙於購買一D小型設備及配件, 好讓裝修師傅能夠如期完工, 並且把全部配件安裝好。

講故事 "大象脫險"

2009年12月19日 (星期六) 天氣寒冷, 天陰多雲

朗豬由上個月開始, 好鐘意聽媽咪講故事, 當佢一見到媽咪有時間, 就會攞住本故事書, 要媽咪重複又重複咁講故事比佢聽。

當媽咪講咗半個月之後, 佢開始學媽咪咁, 講故事比姐姐聽, 之後又講比爸爸、婆婆、姨媽、表姐、舅父、舅母、嫲嫲聽, 每次都講得好鬼馬好生動架!!

朗豬講故事 - 大象脫險part 1, 去片 >>


欲知後事如何, 請繼續聽埋個結尾!!
朗豬講故事 - 大象脫險part 2, 去片 >>

第一次親子活動日

2009年12月3日 (星期四) 天清氣朗, 陽光普照

今日係幼稚園第一次舉行親子活動日, 大鼻媽咪請了大假, 早上送朗豬到學校上課。見到朗豬開開心心的步入課室, 跟著習慣性地把書包掛好在坐位背後, 然後安靜地回到自己坐位上等待上課鐘聲, 當鐘聲嚮起時, 便興奮地跟隨同學們一同站起, 和老師一起唱歌、一起做早操, 看見他投入地、緊張地, 緊隨著節拍和唱及擺動身體, 真係好有趣又好可愛呀!!!

親子活動時間是10:30am開始的, 各位小朋友帶著坐墊, 到露天運動場去排好並坐下, 而媽咪們亦跟隨其後, 一同到運動場集合去。


當全部人齊集之後, 校長便開始頒發獎品給"溫馨家庭攝影比賽"的得獎者, 而我們亦幸運地成為得獎者之一。


當頒獎完結後, 老師便帶領小朋友們和媽咪們, 一起唱歌一起做運動, 之後還一起玩了3個集體遊戲, 看見朗豬和同學們天真爛漫的笑容, 純真自然的舉手投足, 令我們看得又是有趣、又是開心。