家中習作

2009年12月20日(星期日)

今日工人姐姐放假, 大鼻照往常一樣在家湊朗豬, 依家除咗會同朗豬玩玩具、玩遊戲、講故事之外, 每日都要同佢練習寫字, 一般每日都會寫半小時左右, 現在為止已經學識自己寫晒A-Z, 1號至60號。

新屋嘅裝修已經進行得如火如荼, 呢排我同大頭都忙於購買一D小型設備及配件, 好讓裝修師傅能夠如期完工, 並且把全部配件安裝好。

講故事 "大象脫險"

2009年12月19日 (星期六) 天氣寒冷, 天陰多雲

朗豬由上個月開始, 好鐘意聽媽咪講故事, 當佢一見到媽咪有時間, 就會攞住本故事書, 要媽咪重複又重複咁講故事比佢聽。

當媽咪講咗半個月之後, 佢開始學媽咪咁, 講故事比姐姐聽, 之後又講比爸爸、婆婆、姨媽、表姐、舅父、舅母、嫲嫲聽, 每次都講得好鬼馬好生動架!!

朗豬講故事 - 大象脫險part 1, 去片 >>


欲知後事如何, 請繼續聽埋個結尾!!
朗豬講故事 - 大象脫險part 2, 去片 >>

第一次親子活動日

2009年12月3日 (星期四) 天清氣朗, 陽光普照

今日係幼稚園第一次舉行親子活動日, 大鼻媽咪請了大假, 早上送朗豬到學校上課。見到朗豬開開心心的步入課室, 跟著習慣性地把書包掛好在坐位背後, 然後安靜地回到自己坐位上等待上課鐘聲, 當鐘聲嚮起時, 便興奮地跟隨同學們一同站起, 和老師一起唱歌、一起做早操, 看見他投入地、緊張地, 緊隨著節拍和唱及擺動身體, 真係好有趣又好可愛呀!!!

親子活動時間是10:30am開始的, 各位小朋友帶著坐墊, 到露天運動場去排好並坐下, 而媽咪們亦跟隨其後, 一同到運動場集合去。


當全部人齊集之後, 校長便開始頒發獎品給"溫馨家庭攝影比賽"的得獎者, 而我們亦幸運地成為得獎者之一。


當頒獎完結後, 老師便帶領小朋友們和媽咪們, 一起唱歌一起做運動, 之後還一起玩了3個集體遊戲, 看見朗豬和同學們天真爛漫的笑容, 純真自然的舉手投足, 令我們看得又是有趣、又是開心。

開齋期到了!!!

2009年11月30日 (星期一)

三個月前的承諾, 大鼻不能兌現了。

原本以為今年也可以專心一致, 參加在12月舉行的考試, 但是, 因為我和大頭在9月尾的一個決定, 令我不能頭腦清靜地、全心全意地上課堂及溫習, 在權衡緩急之下, 我決定放棄今年度12月的考試, 等今年的大計劃--"搬屋"--完成後, 明年才專心致志於課堂和考試上。

現在新屋的裝修已進行得如火如荼, 裝修工程預算在2010年1月上旬完成, 而我們則預算在1月中搬遷到新屋, 我們祈望在農曆新年前完成全部執漏, 在農曆年期間便可以招呼各親朋好友到新屋歡聚。

既然12月不用參加考試, 我的開齋便可以提早開始了....yeah!!!! 今年開齋期的第一本書是"大江大海 -- 一九四九" 作者龍應台。

3個月的成果

2009年11月30日(星期一) 天晴有煙霞, 微微涼風

朗豬上幼稚園已經有3個月了, 幼稚園平均每個月, 便有一件勞作, 讓朗豬帶回家, 所以, 現在家裡已經存放了3件朗豬的作品, 第一件作品是一隻紙蝴蝶, 第二件作品是用一隻大人襪子造的毛蟲, 第三件作品是一雙紙拖鞋。

至於幼稚園的功課方面, K1班的功課只是畫線條, 畫點點和填顏色而已, 暫時不需要寫字, 但由於他需要用顏色筆畫線和填顏色, 所以我亦開始教朗豬正確的揸筆方法, 以防他學壞手勢, 將來要花更長的時間來改正, 所以我已經在家裏教他揸筆, 和學寫數目字, 每天練習寫字30分鐘, 用大慨2個月的時間, 朗豬便可以自己寫出1至10號。

學會1至10號數目字的寫法之後, 朗豬便可以自己組合數字, 繼續寫11至20, 21至30, 31至40.......現在他已經可以由1號寫到80號了。