小企鵝嬉水記

2008年4月6日 (星期日) 陽光普照, 夏日我愛你

朗朗豬第一次落水玩, 原來佢好細膽又好驚落水呀! 無論我地點鼓勵佢&陪佢一齊玩, 佢都好怕怕唔敢落水, 當佢一見到爸爸在水中央, 就好緊張好怕爸爸會有事, 係咁要拉番爸爸上水, 真係好攪笑!! 佢全程最enjoy就係玩波波。

嬉水記之一

嬉水記之二

嬉水記之三

嬉水記之四

嬉水記之五

朗朗豬好鐘意著住大拖鞋行草地, 見到蝴蝶仔fly~fly~, 仲想玩樸蝶忝呀!!!

廸欣湖一天遊

2008年3月30日(星期日) 天陰、潮濕、有霧

今日我地一家三個黃，約埋幾個同事朋友，中午喺青衣城集合兼食餐飽飽，然後就浩浩蕩蕩一行幾人，向今次嘅目的地“廸欣湖”進發。

我地先搭東涌線再轉廸士尼線，到廸士尼站再轉乘巴士，全程大慨25分鐘就到達廸欣湖喇。廸欣湖嘅面積比我想像中大，綠化環境和配搭也很簡潔，主要是以廸欣湖為中心點，而圍繞湖邊則有一條平坦石路，既可供遊人漫步、又可供租用單車行駛，而石路兩旁配置大量植物和草地，供遊人休息和嬉戲。

我已經好耐無見過咁多幅草地喇，而且仲可以事無忌憚咁行上去，真係覺得又興奮又舒服，特別係朗豬，佢一見到草地就好開心飛奔過去，於是我地就搵咗一幅面積較大又比較平坦嘅草地，比朗豬盡情跑、盡情high草，我地喺草地上玩肥皂泡吹波波，朗豬就好興奮好開心咁跑足全場，跑至汗流浹背、全身濕晒都唔願停，最後係大頭同大鼻都倦到唔識郁，先再起程慢慢行番起步點；跟住比朗豬發現仲有一個兒童遊樂場，於是佢就不惜一齊耗盡謹餘精力，喺回程車途上一伏上大鼻嘅膊頭，唔洗30秒就呼呼入睡，從朗豬沉睡中的笑容，就知道他仍在夢鄉中回味著愉快的一天。

嘰哩咕嚕嘈嘈閉

2008年3月28日(星期五) 天陰多雲有微雨

踏入3月份開始，朗豬就開始多聲氣喇，依家除咗最多講嘅爸爸、媽媽、姐姐(de de)之外，仲已經學識講嫲嫲、伯伯、阿哥、弟弟、拜拜、mom mom、奶奶、曳曳、大巴士，而且仲成日口翕翕學唱歌仔，又講一ｄ無人明嘢ｂｂ話，講完仲自己同自己笑，成隻傻豬豬咁。

朗豬仲會好主動大大聲叫媽媽、爸爸、de de同佢一齊玩，例如一齊玩遊戲＆睇報紙、一齊唱歌＆拍手、一齊彈彈跳＆打波踢球等等，所以每有朗豬嘅地方，都會變得好熱鬧好嘈嘈閉，想靜下都難！！依家朗豬嘅模仿能力明顯比以前強，好鐘意學大人嘅舉動，特別係爸爸做嘅舉動，時常會即時模仿，呢排就最鐘意學人撓起雙手放喺胸前，又成日偷偷地著媽媽或爸爸嘅大拖鞋，喺屋企行來行去。

朗豬嘅聲線比我想像中幼嫩＆傻氣＆驕嗲，我覺得佢嘅聲線特別可愛＆趣緻，呢ｄ應該係媽媽嘅主觀偏見卦！！依家每當我同大頭聽到朗豬叫媽媽、爸爸，都會覺得好窩心又好冧滋滋，唔知呢種感覺會維持幾耐呢？？一個簡簡單單嘅“媽媽、爸爸”稱呼，就已經可以令我地如沐春風，一個鍚咀咀嘅啜啜，更可以令我地甜到漏，究竟邊隻至係真正嘅傻豬豬呢可？！？！

捧捧鎚打扑扑齋

2008年3月25日 (星期二) 上旋一球, 後抽一球, 左扑扑右扑扑

遙遠的祝福

2008年2月28日(星期四) 天晴，風和日麗，大地回春

經過了一個非常嚴寒、多雲灰暗又濕漉漉的2月以後，天氣已開始漸漸回暖，終於可以見番太陽伯伯喇，我地一家三口又可以出動去下街luu.......

農曆新年過後，大鼻突然收到一位遠方朋友的電話，原來一位出國留學的朋友，已經秘密地回到香港，並且正準備在香港註冊結婚哩！

大鼻聽到這個令人驚喜的消息，心情實在感到又興奮又欣慰，心裡的第一個念頭就是“千里姻緣一線牽”，命運的巧妙安排，往往令人意想不到，原是兩個天南地北的個體，竟會在地球的另一端巧遇，然後相知、相交、相愛，並且共訂執子之手、與之皆老之約。

兩位”緣定三生、情牽一線”的朋友，大頭、大鼻和朗朗豬在此向您們送上遙遠的祝福，願您們同偕白首、永遠幸福！！