2010年大除夕

2010年12月31日(星期五) 天晴陽光普照

轉眼間, 便踏入2010年的最後一個月了, 今年的冬季來得特別早也特別寒冷, 十二月初便曾經下跌至6度的氣溫, 在這嚴寒的12月, 我們依然節目多多.

12月18日 - 保良局田家炳幼稚園的學校旅行


目的地是西貢北潭涌渡假中心





到達目的地, 首先是大人和小朋友的集體遊戲時間, 朗朗照常在集體遊戲時拒絕參加, 還有點發皮氣, 直至集體遊戲結束後, 他的表現才好轉, 還願意找老師和好朋友影相。


第一位的好朋友慶文


有好朋友在, 朗朗都變得鬼馬起來。


第二位好朋友是康翹

影相後, 便開始BBQ時間, 食飽BBQ後便玩自己帶去的spiderman大風箏, 可惜無風不能成功放出。

隨後便在渡假中心內四處參觀和玩各樣康樂設施, 至下午四時便回程了.


與婆婆吃61歲生日兼冬至晚飯


還有, 和嫲嫲吃冬至晚飯




最後, 必然的節目, 是到尖沙咀看聖誕燈飾。
依家朗朗已經識得同我地影相喇, 都影得幾四正唔錯架。

朗朗身高114cm; 體重23kg

東部華僑城之三

2010年12月29日(星期三) 天晴陽光普照

今日又係一個陽光燦爛嘅日子, 一連三天的旅行, 天氣都很好, 真係天公造美!!


今日我地喺酒店食完早餐, 就搭車去小梅沙海洋世界玩, 就入場所見, 樂園嘅面積唔係好大, 但外觀也是不錯的。

樂園中間有一個平靚如鏡的湖, 加上兩岸的倒影和藍色白雲, 好美啊!!

不過, 一路行一路行, 發覺好多展館都關閉或在維修當中, 直至行到極地動物館, 剛好開始小動物劇場, 看見一群海狗在表演。可惜我部相機已部無晒電池了.....真失敗。

之後, 我地去睇海洋劇場, 內容包括高台跳水, 小丑滑稽跳水表演, 海豹, 海獅, 海豚表演, 雖然不及海洋公園的設施及場地, 但亦值得一看。

午飯時間, 便在樂園內的快餐廳攪掂, 之後, 再到極地動物館參觀其餘部份, 看見小企鵝在游泳。

大鼻覺得最特別嘅動物, 就係呢條小白鯨, 佢好似好懂人性, 識得游近人作出友善的動作和表情, 好得意呀! 原來佢係經過訓練嘅, 識得按照訓練員嘅指示, 同訓練員一齊完成一D動作。

最後, 我地去參觀埋水族館, 睇海底劇場, 鯊魚館, 海洋科普館, 時間就差不多要返去酒店攞番d行李回程lu。三日二夜嘅行程亦圓滿定結束了。

東部華僑城之二

2010年12月28日(星期二) 午間陽光普照, 晚上天氣寒冷

今日瞓醒望下外面, 天氣好好呀, 陽光普照!!!

今日, 我地同樣喺酒店直接入人俠谷樂園, 沿另一個方向行, 向大俠谷索道進攻, 點知途經咆哮山洪時, 發現即將有第一輪表演, 於是我地立即擺番個好位, 睇埋個表演先。

睇完表演, 就去搭索道, 然後再轉乘接駁纜車, 再搭一次小火車到茶溪谷樂園。


到達茶溪谷已接近中午時間, 我地先到茵特拉根小鎮食一個簡簡單單的午餐。

飯後, 便到小鎮旁邊的金魚池餵金魚, 我地將預先準備的麵包, 比朗朗餵金魚和餵鴨仔。


池內的金魚和鴨仔都好肚餓, 不停追著搶食麵包, 場面簡直可以用壯觀黎形容, 朗朗餵麵包餵到好開心唔願走。


之後, 去隔離坐熱氣球, 乘坐熱氣球係要額外收費, 成人RMB10, 1.2米以下小童免費, 朗朗上次去海洋公園已經好想玩熱氣球, 但因為排隊嘅人龍實在太長太長, 而今次只要付出RMB20便可以立即升空, 所以我地立即玩了。


熱氣球會飛得好高好高, 最高飛到70米, 朗朗又話好好玩, 原來朗朗係唔怕高嘅遊戲, 每次玩一D升高或飛高嘅遊戲, 佢都好鐘意。


繼續前進, 看見一個四季植物館, 我們便入去隨便走走, 原來館內有好多特別嘅植物, 例如上過太空嘅南瓜, 體積比正常南瓜大500倍, 又例如空中蕃薯, 無需泥土也可以在空中以營養液栽培出蕃薯, 亦有很多奇形怪狀的植物及果實在館中展覽, 在展館的末端, 擺放著幾十隻鸚鵡供遊人影相。


再行一會, 便看見向日葵園和四季花田, 不知是否太寒冷, 向日葵很多都已凋謝, 四季花田的顏色也有些枯黃, 不過也算比想像中要好, 地方整潔而且當日的天氣也很好!!!

之後, 我們回到茵特拉根小鎮, 看見一大群白鴿在覓食, 於是我們便拿出餘下的麵包, 餵給小白鴿啄食, 小白鴿呆頭呆腦的樣子, 飛來飛去追著吃麵包的樣子, 已令朗朗開心半天了, 朗朗還說在東部華僑城最開心的第一位是餵白鴿, 第二位是餵金魚, 第三位是餵小鴨。

東部華僑城之一

2010年12月27日(星期一) 天晴陽光普照, 氣溫寒冷


今日一大早便起床執齊細軟, 便出發到葵芳去食早餐, 九時正已到達永東直通巴士站, 經過全程約兩個半小時的車程及過關後, 我們終於到達東部華僑城了。




到達瀑布酒店時大慨是11:30am, 我們用了半小時, 便可提早取到酒店房間。

取到房間放下行李, 我們便從酒店的直接通道進入大夾谷樂園, 進入樂園看見的第一個機動遊戲, 便是朗朗最最喜歡的"旋轉木雀"了, 睇下朗朗即時笑到四萬咁口就知佢幾開心!!!


之後, 我們到大俠谷纜車站, 乘搭纜車到雲中高地纜車站, 然後再乘搭雲海索道到大俠谷索道站。

大俠谷的索道跟海洋公園的吊車差不多, 朗朗亦乘搭得同樣地興奮和雀躍。


之後, 我們便在索道站旁的KFC吃一個快速午餐, 午餐後便四處閒逛, 途經一個較大的圓形平台時, 發現一些圓轆形電動車出租, RMB20玩5分鐘。

再慢慢行到海菲德小鎮, 發現有卡通人在拍照, 於是朗朗即刻就話, 我要用chip & dale影相, 哈! 個卡通人又真係幾似chip & dale喎。

本來我地想喺大俠谷閒逛至5點, 睇一個咆哮山洪表演, 但因為朗朗嘈住好想搭小火車, 於是就改變行程, 改變路向再搭一次纜車, 然後再搭一程接駁纜車到大彎小火車站, 乘搭小火車去茶溪谷。

雖然路程好轉折, 但小火車真係幾特別, 又幾有特色, 雖然係現代化電動火車, 但火車軌仍然是懷舊的石仔路軌, 而且亦有舊式火車的音響, 好有懷舊feel好值得一搭, 沿途景色亦好靚, 好舒服。

HALLOWEEN PARTY

2010年10月29日 (星期五) 天晴, 清涼, 乾燥, 己經正式踏入秋季了

今日係朗朗學校嘅halloween party, 剛巧天氣又涼咗好多, 於是朗朗就以呢一身跳跳虎造型返學校開party喇。


套跳咷虎衫係由西瓜夫人贊助, 今年著啱啱好, 明年就唔啱架喇。


套衫整得好靚好別緻, 連條尾都係攣攣地彈下彈下咁架。


朗朗近期嘅最愛活動, 就係玩滑板車Scooter, 佢部winnie pooh單車仔已經維理咗幾次, 再加上朗朗一日一日長大, 身體一日一日長高, 部單車仔已經頂腳, 現在已經功成身退, 完成第一部單車仔的使命了。

為咗買呢一部Scooter, 上星期我地一家三口行足一日, 朗朗先可以買到呢件心頭好, 依家佢每日都要落公園起碼玩一粒鐘先滿意架, 睇下佢玩到四萬咁嘅口, 就知佢玩得幾開心啦!

美術畫作

2010年10月23日 (星期六) 天晴有雲, 漸漸轉涼

現在每逢星期六上午, 朗朗都要參加興趣班美勞課, 大鼻襯放假每次都自己接送佢, 每次看見朗朗放學時, 手拿著剛剛完成的作品, 一臉興奮滿足的笑容, 滔滔不絕的笑語, 伴隨著他彈跳彈跳的步伐, 一起開開心心的回家去, 大鼻心底裡便會覺得實在、覺得愉快。


今天他的作品, 是一幅晚間的貓頭鷹畫作。大鼻和大頭都覺得好靚好鐘意呀, 隻貓頭鷹嘅身形比例, 與及整幅圖畫的構圖都好恰當, 真係ichiban呀。

海洋公園一天遊

2010年10月2日 (星期六) 天晴有陽光有微風, 漸有秋意

今日朗朗第一次去海洋公園, 佢晨早7點就叫爸爸媽媽起身, 我地食埋早餐, 10點就已經到達海洋公園了。

由於城巴629直上大樹灣, 所以我地就從山上開始玩起, 先玩海洋摩天塔, 之後去睇海獅。


然後, 去霸位睇海洋劇場, 朗朗第一次睇海豚海獅表演, 睇到入晒神, 不斷拍手叫好野呀! 不過大鼻就覺得無咗鯨魚海威嘅海洋劇場, 真係失色咗好多呀!!!

之後, 我地去咗海洋冰室食午餐, 呢個時候海洋公園內已經人山人海, 到處都是自由行了。

午飯後, 便到海洋館及水母館參觀, 看見各式各樣大大小小的魚類、海龜與及千變萬化的水母, 朗朗真的看到目不轉睛、目不暇給。

接著我們便乖搭吊車到另一邊山的海洋樂園, 去繼續其他的行程, 乖搭吊車時朗朗表現得好鎮定一d都唔驚, 仲不斷話搭吊車好舒服、好開心、好靚呀咁, 大鼻真係估唔到朗朗依家咁大膽咁叻仔。

落到下面山, 首先去睇一個雀鳥劇場。

睇完表演, 就去兒童樂園玩機動遊戲, 環迴水世界、砵砵火車頭、幻彩旋轉馬、昇空奇遇, 本來大鼻仲想玩埋七彩星空飛球架, 不過實在太多人了, 唯有放棄啦。

之後再行埋熊貓館及亞洲動物天地。由於朗朗仲想搭多次吊車, 於是我地就先搭一轉海洋列車去番高峰樂園果邊, 再玩一次摩天塔又閒逛一陣之後, 便再搭一次吊車重回海洋公園的正門離開了。玩咗一日, 我地三個都倦到散晒了。

明朝那些事兒 - 作者當年明月

2010年8月- 9月

明朝那些事兒(全套7本) - 當年明月

當年明月, 原名石悅, 男, 中國湖北武漢人, 原本只是一名平凡的海關公務員。『明朝那些事兒』起初只是於網絡上發表的連載小說, 作者由2006年3月開始, 每天寫一編, 寫了足足3年至2009年3月, 才把明朝三百多年(1344年到1644年)的歷史寫完。從此二十歲多的當年明月, 便一舉成名。

其後『明朝那些事兒』更結集成書, 一共出了7冊, 裡面詳細介紹了明朝的始末, 從明太祖朱元璋講到崇禎, 政治鬥爭到戰場的戰略都有很詳盡的交待, 但又不會很悶。雖然一樣是說歷史, 但當年明月用的筆法, 卻不是以往那些史書筆法。而是一種充滿了活力和生氣, 字字都欲躍然而出的鮮靈筆法, 歷史人物不再是一個刻板的名字和符號, 而是一個個活生生的人物, 叫人讀起來趣味盎然。

當年明月寫作『明朝那些事兒』的唯一目的, 是希望讓人知道, 其實歷史本身很精彩, 所有的歷史都可以寫得很好看。事實證明他真的成功了。

阿Q正傳．未帶地圖的旅人

2010年7月-8月

阿Ｑ正傳 - 作者魯迅


未帶地圖的旅人 - 作者蕭乾

蕭乾原名蕭秉乾, 他是作家, 是記者, 是編輯, 是翻譯家, 是民間文化使者, 是文史工作組織者, 還當過教授。他一生遭遇充滿傳奇, 經歷迂迴且多采多姿。

因為機遇, 作者一生中, 曾到過很多不同地方工作及學習, 但正如回書名一樣, 這些經歷都不是他的意料之中, 他在回憶錄中就這樣說道 : 「不帶地圖並不意味著不辨東西, 橫衝直撞。但是人生的地圖不能請旁人代勞, 更不能由上邊規定。那只能讓每個人根據個人的觀察體會來逐漸形成。地圖上有經緯線, 我認為人生的地圖也有, 那就是：利害與是非。」

而回憶錄中, 最為感性的一節, 就是作者把自己比作依戀"家"的鴿子。『它們對"家"的依戀是執拗的, 什麼山川都無從阻擋它的依戀之情。所謂"家", 左不過是稻草鋪成小小的窩吧。窩裡沒有豪華的陳設, 只有幾隻咕咕咕叫著的雛鴿。然而那個窩以及窩裡的小生命卻佔據了它們的全部心靈。.....不像蒼鷹, 鴿子並不以貌驚人, 尺把長的身驅, 圓圓的小眼晴, 那咕－咕－咕－得兒咕的啾聲單調而且平淡。然而在那小身子兒裡裝著怎樣的堅毅和果敢啊! 它們的生活目標無比單純 : 就是要回家, 它們為之全力以赴。』