2007年8月28日(星期二) 天陰多雲有驟雨
朗豬一歲四個月大, 重量 : 28磅, 高度 : 83cm, 腳板仔 : 14cm, 係一個高頭大馬b。
雖然朗豬已經脫離嬰兒期, 但佢喺我哋心目中, 仍然係小bb一個, 呢個四支發逹頭腦簡單嘅小bb, 暫時仲未肯點講野, 但已經明顯有喜惡, 有主見, 有思考, 有部署, 有強烈的表達及理解能力, 絶對唔可以睇小佢嘅小宇宙。
佢好多時會喺你毫無預期之下, 突然給你驚喜, 無端端學大人嘅舉動, 學唱歌仔學跳舞, 學電單仔及救火車嘅聲, 學bb煲嘅水滾聲, 仲會識得喺雪櫃偷偷地攞維他奶, 然後即閃出廳, 仲會點媽咪唱佢鐘意聽嘅歌仔, 所以話, 生命處處都充滿驚喜, 真係無錯!!!!
